أشتهي هرجتك من بدة النـاس شهـوه=والهبوب من اتجاهك على القلب تهـوي
وشوفتك من بد كل الملا فيهـا زهـوه=لاتلوم اللي معـك بالسواليـف يغـوي
وغلطته غصب عليه حصلت وانت دعوه=ومعك وصل ليا آخر الطب وشفاه الكوي
ماتطـب بيـوت رب جنـازه لخـلـوه=واعتبر من دونها بالعرب سـد علـوي
اطلب اللي تطلبه بس ابي منـك لهـوه=لو تبي سماك هـذي وهـذي مستـوي
اشجع الفرسان مايعتلـي كـل صهـوه=والمحبه جمرها يشوي العاشق شـوي
كفي الأيمـن تمسـك بفنجـال قهـوه=وكفي الأيسر بليل (ن) رفض كل الحوي
شوفتك للعين مثـل المرايـه بصحـوه=لو اناظربك سدا نـون عينـي مـاروي
كلمة السر القتيـل اثـرت فيـه بـوه=لابغيت اقولها لـك تقـل معيـه خـوي