عدد رمل الحجاز ونجد ورمال السعوديه = سلام الله سلام يضرب الشاعر على راسه
انا الليله نويت اسوي الرحله خصوصيه = ياوين اللي علومه طيبه ومعرب ساسه

هلابك مرحبا وأهلين والعزوه عتيبيه=ومن ميقافنا بعض العرب نسقيه من كاسه
وأنا خابرك يامحمد تدور ونيتك نيه=ولكن الخطر تو الخطر دقت لك أجراسه

عتيبه وش عتيبه من حربهم لعنبو حيه = ولكن الصحيب الذياب نبغى نطير نعاسه
لابله غير واعي قد ذبحت الداب والحيه= مادام ابن الحلال اقفى وقفو عنه حراسه

صحيبك حاضرن فالملعبه والملعبه حيه=يشيل النقد واللولو يشيل الدر والماسه
تقوله وأنت تعرف من هو اللي ينطح الهيه=ومن شلفاه بعض الناس مقهوره ومنحاسه

وان لولاك ماوقفت ياشوق الهواويه = عساك تثمن الوقفات والاوضاع حساسه
اعرف اللي ثمان سنين ماتعرف حراويه =واعرف اللي مسوي جحر كنه جحر دماسه

وأنا لو أني أمزح بين هاذيه وهاذيه=أضحك صاحبي فاللعب لكن ماجرح أحساسه
ثمان أسنين واليامي بلا حسنه ولا سيه=معه فاسه ويكسر فالحطب لين أنكسر فاسه

اجل وشرايك نغير على ياطاق طاقيه = ونقلب سالفتنا مسطره والوان كراسه
ترانا في زمن بوش الولايات المريكيه = لكن خلك معك حكمه ومش الوقت بسياسه