يابو مبارك ما طرى لك طواري( = )تحيي الرسوم الاوله بالمظاهير
ياشيخ لاتنسى هذيك المساري( = )يومك تصلي الصبح فوق من الصير
قولك تراه اليوم صاير وجاري (=) الله يجزي ذيك الايام بالخير
ياما سرينا يم ذيك الخباري (=) مجهامنا كل يوم مثل النواطير
مانعرف التنتات هي واللواري(=)لهن دوي يشبهن الزنابير
نمر بالريضان خضر قفاري (=) زاه عشبها مع فياض مزاهير
لا من طلع (مختار) عقب المساري (=) في موقعن مافيه جرة مظاهير
اوهد صوب الروض وسط النهاري(=) غمر وصفف ياحسين التصاوير
واليا نزل عينه تشعشع بناري (=)نشوفهم جنب الذواري مخامير
مثل الملك جالس وحوله جواري(=) والله ماصخي به بخيشة دنانير
ماهمنا برد ولاهوب ذاري (=)يوم ان للمقناص بالنفس تاثير
واليوم كل واحد يصيد العفاري(=)وصاروا جميع الناس كلهم صقاقير
اصبر تشوف الطير فوق القواري (=)مطلعه راعيه مع سكة الجير