قالها إبن الذيب من هاجوس باله=..كلمةٍ يلعب بهـا والبـال زينـي
قالها يومه طرالـه مـا طرالـه=.من هواجيسٍ تشيب المرضعينـي
غرّني بعض الرجال بكثر مالـه=مادر ى إن الموت في حبل الوتيني
كيف ينفعني وبعض الناس خالـه=ما يدوم البيت كان الساس طينـي
ماش وين اللي عوايـده الشكالـه=مثل إبن ظافر حمد ليته يجينـي
الثنا والجـود دايـم فـي خيالـه=علّمـه ظافـر سلـوم الطيّبينـي
جـوّد العليـا ولزّمهـا عيـالـه=.و أدركوا من علمته دنيـا ودينـي
واهني من باع حظّـه وإشترالـه=سار في درب النبي وأخزا اللعيني
موقفـه ماكـل رجّـالٍ ينـالـه=ومن بغا ممشـاه يقعـد مرّتينـي
وكم ذبح من حايلٍ من حر مالـه=وعادته لطمة خشـوم العايلينـي
حالفٍ ماخذ على الطرقي ريالـه=وبالثلاث محرّم إنها مـا تجينـي
لا لقيت اللي على السكّـه لحالـه=يلتفت ويقول : وين المستحينـي
أوقف الموتر حيا وأبغا الجمالـه=.يوم ولد اللاش وجهه مـا يلينـي
والطمع في كرّوة الرجلي رذالـه=خصّ به وإن جا مجال الغانميني
والردي في حالةٍ ماهيـب حالـه=يا عوينه مـن كـلام الطيّبينـي
الولد وإن طاب قالوا : من خواله=بالخوال يسـال قبـل الوالدينـي
وأركبه لعيون مـن زيـنٍ دلالـه=ما تحاكوا في قفـاه الرامسينـي
ما بغى غيري وأنا مابغـا بدالـه=قاعدٍ لي بالرجـا مـدّة سنينـي
ما قعدنا فالعمـل نبغـا الرزالـه=ناخذ العليـا طريـق الفايزينـي
وأشرب الفنجال وأكـب البيالـه=تابـ عٍ سلمـي سلـوم الأولينـي

النويري


ياجعلك تسلم ... صح لسانك ولسان ابن الذيب

وعلى فكرة هو راشد كان سواق بشركة ارامكو وكان معطينه سيارة وفي هاك الوقت قليل اللي معه سيارة وكان يشيل الناس وهاك المره يمشي مع الخط الا هاك العجوز ومعها حمارها الله يكرمكم ويكرم السامعين وقال واين تبين وقالت وصلني معك قدام قال اركبي قالت والحمار الله يكرمكم قال اركبي وخلي الحمار قالت ماني برايحة معك الا وحماري معي قالها لا اركبي انتي بس قالت العجوز اجل روح وابن الذيب يجيني وبياخذني وهي ماتدري انه هو ابن الذيب ...ضحك وقال اركبي انتي وحمارك وقال هالقصيدة ..... وهو والد الشاعر القطري المعروف والمحبوب محمد بن راشد الذيب ... الملقب بالابهق ..

المشاركة الأصلية كتبت بواسطة قحص النويري لاهنت وصح السانك والله يرحم قايلها راشد الذيب

المشاركة الأصلية كتبت بواسطة ابـن نـعـيـس النويري يعطيك العافيه وبيض الله وجهك وصح لسان ابن الذيب تحياااااتي

المشاركة الأصلية كتبت بواسطة ولد نبعان النويري تسلم وما قصرت يالغالي مشاركه اكثر من راااائعه تحياااااااتي