الهيـــــــــــــلا *** منتدى قبيلة عتيبة - الله من قلب عواء عويه الذيب

- الشعر الشعبي (http://www.otaibah.net/m/forumdisplay.php?f=9)

- - الله من قلب عواء عويه الذيب (http://www.otaibah.net/m/showthread.php?t=16290)

الله من قلب عواء عويه الذيب

الله من قلب عواء عويه الذيب

.
بسم الله الرحمن الرحيم

قصيده للشاعر/ محمد الخس

الله من قلب عواء عويه الذيب
ذيب عواء لجة ضلوعه ولجي

عليك ياراعي العيون المهاديب
سود مضاليل وساع وبجي

سود تشذب بصله القلب تشذيب
طحت بخطرهن يا لله انك تنجي

سهومهن تسطي على القلب وتصيب
تخج صندوق العاليق خجي

ياصاحبي حبك بقلبي عواقيب
ارفق علي شوي قبل استلجي

ياللي عليه عيون الامه مراقيب
تقول بين شفاه در يمجي

والخد براق المزون المخاطيب
اللي رعوده رجت القاع رجي

يامنوتي ما فيه شك ولا ريب
مانساك كود انسا صيامي وحجي

يابو نهود شلعت مقدم الجيب
كمشمش عرقه من الماء ينجي

من فوقهن شقرا تغذا على الطيب
ريح الشمطري في طرفهن يعجي

وليا وردت من كف مروي المغاليب
والخيل كاسيها ضباب وعجي

نجل العيون مزعلات المخاطيب
شعواء عذاب مقطعين الفرجي

يم الحبيب اللي هروجه تعاليل
يا عين لدي له ويارجل سجي

والقصيده اطول من ذلك وهذ اللي يحضرني منها وصح لسان شاعرها

سهومهن تسطي على القلب وتصيب
تخج صندوق العاليق خجي

صح لسان قائلها وتسلم يد ناقلها

فواز الشيباني

احسنت الاختيار وشكراً لك

صح لسان الخس

وتشكر على نقلها

تحياتي

صح لسان الشاعر وتسلم على النقل
تحيااااااتي

اخي ابو قلب عطيب مشكور ياغالي على المرور الغالي على

اخي فيصل المسعودي مشكور على المرور

اخي ولدنبعان تسلم على المرور الاهنت ياغالي

صح لسانك يافواز ولسان شاعرها

وبارك الله فيك على نقلها وصياغتها ومشالله عليك ابداع متواصل

بإنتظار جديدك

تحياتي

فواز الشيباني

صح لسانك ولسان الخس

تحياااااااتي

اخي النويري شرفني مرورك الغالي على بارك الله فيك والف شكر لك