الهيـــــــــــــلا *** منتدى قبيلة عتيبة

- الشعر الشعبي (http://www.otaibah.net/m/forumdisplay.php?f=9)

- - فنجال الغلا (http://www.otaibah.net/m/showthread.php?t=16096)

فنجال الغلا

فنجال الغلا
يازين فنجال الغلا من يدينك
***********من دلة والزعفران احتواها
تقولى طولت وين انت وينك
**********وين الجروح المبطيات وعناها
انا عطيتك قلب واسهرت عينك
*************عين تهل ودمعها من بلاها
ماتلتفت فى رعشتن فى يمينك
**********منها طرب روحك وقيمة غلاها
فنجالك اللى ذايقه من ضنينك
*********شربه على النفس العليله دواها
ماقلت ابشرح عن تواصيف زينك
*********اللى حوى كل الوصوف وحلاها
ولاقلتلى ضو القمر من جبينك
*********اليا ارتفع بين النجوم وغشاها
ولاقلتلى مااروى ابد من حنينك
*******لوى شربت من اعذب ازلال ماها
لو تقسي ايامك ترى خابرينك
*********نفسك عزيزه والظروف اتحداها
انا هواك وعشقك وعاشقينك
*********وانا حياتك وارضها مع سماها
وان كان نار البعد بينى وبينك
***********باضمها لو احترق فى لظاها

للشاعر النواف

قصيدة رائعة ونقل موفق

مشكوووور على هذا النقل الجميل يالغالي وسلمت يمناك

وصح لسانك ولسااان شاعرها

أنا أدوخ عند القهوه يعني إذا شربتها أستكن إستكنان غير طبيعي مثل ما يستكن ابو يمن على التخزين هههههههههههههههه

اخي ضاري مشكور على المرور

أنا أدوخ عند القهوه يعني إذا شربتها أستكن إستكنان غير طبيعي مثل ما يستكن ابو يمن على التخزين هههههههههههههههه

اخي جح للبعارين الله يرج شيطانك على سالفت ابو يمن يعطيك الف عافيه على مرورك

فواز تشكر على النقل الموفق

والقصيده الرائعه

تحياتي

صح لسانك يابو طلال ولسان شاعرها

والف لاهنت على النقل والإختيار الموفق

يعطيك العافية

لاهنت على النقل الموفق

تحياااااااااااااااتي

فواز

صح لسانك ولسان الشاعر

ويعطيك العافيه

تحيااااااااااااااتي

يعطيك العافية اخي فيصل المسعودي على المرور الكريم