انا ما ودي ازعلكم وانا بكسر لكم رايات = هوايتنا عتيبه والهوايه كيف اخليها
عساك بخير يالخراص ابلفَك سبع لفات = وكل لفة تلفك كل علة بك تداويها

هلا يامرحبابك يالمطيري وأبرك الحزات=أشوف ديونكم كثرت ولدري كيف تقضيها
تحيزم والدروب إندلها وأحذرمن الزلات=ليامنك نويت عتيبه آنا مطير ناويها

يدوم الك البقا مير ان هرجك ما عليه اثبات = ترى العتبان صفحتها يمين امطير تطويها
لو ابجرحك يالخراص واذكرلك زمانن فات = تبى ترسل رساله لي وفيها تعتذر فيها

تقوله وأنت تدري فالزمن يامكثر الكذبات=علوم عتيبه اللي جاتكم مأنته بناسيها
ترانا نسمعك وان كان عندك شي قوم وهات=عتيبه نفتخر في وقتنا هذا وماضيها

علومك سبعة وعشرين امير(ن) من يدينا مات = وعم الحزن ديرت ربعكم حتى ضواحيها
لون الوقت الاول يرجع الليلة ولو ساعات= تبا تبلش عتيبه ماش احد بالوقت يحميها