مكنون الحشى | فارس الصوينع
 

السلام عليكم ورحمة الله وبركاته

اسعد الله صباحكم ومسائكم جميعا




يالله ياللي كل دعوى تصله
ياعالمً مكنون قلبي وخافيه

عبدك ضعيف وتايه الدرب، دله
كل ما قضبله سالكً ينتهي فيه

اله ثمان سنين مكبوت غله
في دار غربة هاجسه دوم صاليه

وحجاج عينه كل ماجا يفله
عيت صواديف الدهر لا تخليه

في كل عامً له طريقً وحله
إمعانديً في المراجل مساعيه

يقبل على الصعبه ولا فيه خله
ويظرب لبذل الطيب وجه المهاميه

وليا تخلوى قام شيً يتله
للمرقب العالي كما الذيب راقيه

ؤجر الونين اللي بكى منه خله
وليفه اللي نارً الابعاد تكويه

يوحي ونين مخالجه من محله
ويعايشه جور الزمان وبلاويه

غروً تملك صاحبه واستحله
ماهتم من كثر الحكى والمشاريه

كل مانواله صاحبه رايحنله
فز النهار اللي كثيره دواعيه

يالله مثله عند الاجناب منله
لاناح من ضيم الزمان و طواريه

يبغا ديارً في العلا مستقله
دار ٍ تقرب خطوته يم غاليه

لاصب له فنجال من صلب دله
هذا هواه و وجده و كل امانيه


‪دار ٍ باهلها الطيب طبع وجبله ‬
وافعالهم في حزة الضيق تشفيه

وفيها ليامن صار وده بفله
ارضً وسيعه والنشاما تخاويه

هي ديرة الاسلام مبدا ومله
ماهيب ديرة كل من صاح توحيه

في حكم اخو نوره عسى الله يجله
الوالي اللي كل ابونا نواليه


اخوكم:
فارس بن طلق الصوينع

,,


صح لسااااااااااانكـ ملايين يالغالي,,,

قناص القوافي

صح لسانك حتى ترضى

قصيده جزله لاهنت

وعليكم السلام


/

وصح السانك يافارس

ماقصرت

:)

صح لسانك

ولا هنت


شاعر جزل


تقبل مروري

اااااااااااااااااابدااااااااااااااااااااااااااع

صح لسانك يامبدع

الحقيقه اني وجدت في هالقصيده ما روى عطشي

تحيتي وتقديري لك

صح بدنك يامحمد ولاهنت على المرور الطيب
تحيتي لك

صح بدنك يابن خيشوم ولاهنت على المرور الطيب