العباده والفروض الخمس ما فيها تهاون=والسماحه والرضا من طبع سمحين البصيره
والحياء شعبه من الآيمان والدنيا تعاون=بيّض الله وجه رجلٍ فيه خير وفيه خيره
والثلاث البيض والسبع البوارد ما تخاون=جاء ثلاثٍ في يمين الدرب سبعٍ في يسيره
والجروح الغامضه لو عالجوها ما تداون=كيف تبرا والجراثيم أبتنت فيها حضيره
قبّح الله لحية اللي لا يعين ولا يعاون=لا سنان ولا عنان ولا زناد ولا ذخيره
من بخل بالجاه رجلينه وخدينه تساون=علّموه يصك طاقة مجلسه لا كثر خيره
الردي وجهه حديده مثل صدام الكراون=ميتٍ وجهه تقولٍ محترق عنده ضفيره
حشوة المدفاع لو يركب على باب المعاون=يعتبر مسكين ناقص عقل شوره عند غيره
بين سيل وغيل وأخر ليل وذيابٍ تعاون=ما يربّح من نصاه ولا ربح من يستشيره
ودك أنه يعترض له قنبلة مدفاع هاون=تظهره لا بارك الله فيه من شبه الجزيره