|
يابوبجاد البرق لاح وننتظر هل المطر!!
يابوبجاد البرق لاح وننتظر هل المطر&&&&فوق الديار الي غدت في حالة يرثالها
والبدو في الريضان ترقب تحتري نبت الزهر&&&&وعسى الشجر يخضر ترعاه الغنم وجمالها |
أصبريبوناصر شويه ثم تبشر بالثمر........في ديرةٍ رب الخلايق رافعن منزالها
الخيل من خيالها والفعل يسبقه الخبر.....في شرقها في غربها فجنوبها فشمالها |
أنته هلالي ماتداني دايم نادي النصر%%%وانابلشت اليوم مابين النصر وهلالها
الاسهم تراها غرت العربان في ماضي الهجر&&&&تبغى الغنى لكن لفت بالفقر وسط حلالها |
أنا عيوني للوطن والمنتخب صبح وعصر.....ماهمني كل النوادي طيب الله فالها
ياصاحبي ياصاحبي ماني عمى ولاعور......أعرف خروج الدار يارجال من مدخالها |
ياهل الصرر ياهل الصرر حذرى تفكون الصرر%%%%ترى الحرامي يسبر العالم ويسرق مالها
من عقبها تبطي يابن جبار عايش في فقر%%%%من زود همك تحسب ايام السنة وليالها |
أبشرك في خزنةٍ ماكنها ألا في قبر.....ولا فغبات البحور اللي تصافق جالها
ماني بصاحب للمشاكل ساكنن جوف الخطر....النار من شبابها والخيل من خيالها |
لامن حفرت لها فزود ياصحيبي في الحفر%%%لاتامن الدنيا تشيب عينك من اهوالها
عظم الشقي مكسور ما اظنه بيلقاله جبر%%%تبى تزيد المشكلة ويملها حلالها |
سيف ابن طالب في يدي ماهمني راع القشر
في نقضها في فتلها في حلها وترحالها قلبي فدى الهيلا عتيبه من بدو ولاحضر ترى الصعيبه عمها ترى العسيره خالها |
ترى التهور يدفع الغافل على الموت الحمر%%%كم كلمة قد ودت لحوض الردى من قالها
ترى عتيبة ماتبي من حضرتك شخب وتمر%%%خلك في حالك والنشامى خلها في حالها |
النهاية عندك يابوجبار ولنا لقاء إن شاء الله
وتشرفت باللعب مع شرواك في أمان الله .... |
| الساعة الآن »05:59 PM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2025, Jelsoft Enterprises Ltd