يالبيب العقل فكّر تـرى الدنيـا متـاع=لاتغـرّك زبرقتهاوضحـكـة سنـهـا
لوعطتك الوجه مـرات تاليهـا خـداع=تخلف الهقـوات عاداتهـا يـوم انهـا
يوم تفتح لك مشاريع وأبوابٍ وسـاع=ويوم تزعل من خلاها وتحـرق بنهـا
تقتلب في كل مـره نـزول وإرتفـاع=والجفـا طبـعٍ لهـا والتقلّـب فنهـا
كم غنيٍّ كان فيها وتال الوقـت جـاع=وكم فقيرٍ صار يشعـب بهـا ويعنهـا
انقلب حاله من الفقر وأيـام الصـراع=مع حياة الفقـر وأيامـه اللـي كنهـا
لقمةٍ وسط النحـر لاتـروح ولاتـزاع=وطابت ايامه وهو من قبـل ماظنهـا
لاكن إنّاعارفيـن المغطّـى بالشـراع=صورةٍ تذهل هل العرف وأصحاب النها
النبي بيّـن لناالخافيـه يـوم الـوداع=بيّن اللي كـان سـود الليـال تكنهـا
والمواعظ كل يـومٍ لهـا فالنـاس داع=والقلوب الصاحيـه للمواعـظ هنهـا
والسعاده والمعزه لمن وحّـد وطـاع=واتّبـع للسنـه اللـي نبيـه سنـهـا
وأدرك ان الوقت محسوب وأيامه سراع=تاخذ ارواح العباد انسهـا مـع جنهـا
واجتهد فالدين وأدّاه قـدر المستطـاع=قبل غـارات المنايـا عليـه تشنهـا
ثم يوضع في لحد موحشٍ في بطن قاع=ماتفيد اعماله اللـي عملهـا ألاّ انهـا
خالصه لله من دون شـرك ولانـزاع=قـارب لـلـرب بعـبـادةٍ مامَنـهـا
ومن دنـا لله شبـرٍ تقـرّب لـه ذراع=فرصةٍ والعمر محدود ياصحاب النهـا

المشاركة الأصلية كتبت بواسطة محمد الذيابي (المشاركة 1220150) ,’ قصيدة رائعه تجسد حال الامه في هذا الزمن . مطر انت مازلت تمطر درر ثمينه . كل الشكر لك. ,’

المشاركة الأصلية كتبت بواسطة علي الدغيلبي (المشاركة 1220152) كـــم غـنــيٍّ كـــان فـيـهـا وتــــال الــوقــت جــــاع وكـــــم فــقــيــرٍ صــــــار يــشــعــب بـــهـــا ويـعـنــهــا هآلله هآلله صح لسآنك على آلآبيآت آلجميله .. وبيض آلله وجهكك