سلام الله عدد خلقه على شعار ابن شيبان=أقوله والله اللي يعلم الحسنات والسيه
تجمعنا على عزه ومعزه داخل الصيوان= لاكن اللي يحرث النار مايرتاح موليه

هلا يامرحبا ترحيب وافي يكفي العتبان=تهرج يالعتيبي والنفوس اليوم مرضيه
تجمعنا على عز ومعزه داخل الميدان=ولا نرضى بغلطه من قليل العرف و وخيه

يدوم إلك البقا يامكرم الضيفان بالشحمان=ونا ونته ترانا كلبونا من هل الهيه
علامك كل ليله يالعتيبي تشًعم النيران= من الدمام لطايف إلى أبها الجنوبيه

تصاريف الزمان اللى تثور فالحشى بركان =الا ياحظ ناسٍ من غثا الايام معفيه
نسل السيف لا سلوه والحجه مع البطران=ترانا من رجال ماتعشاها الحونشيه

عيال مضيم وسليم العريبه وأكثر المطران= تشره في عتيبه والسبايب واحد(ن)عيه
ترى العاقل بعقله مايدور هرجة الخبلان= وبني مشيب علاهم غلطة(ن) واليوم مثنيه

عيال مضيم والمطران جيره والزمان اخوان=ولا يشكي عليك الا سواتك ناجض الكيه
كلامك صح لكن نوب مايرجح به الميزان =بني مشيب يعزن الجنب والنيه النيه

تبى هرج الصراحه والكلام اللي ترى مليان= فعول الناس معروفه قبل حكم السعوديه
الا يامكثر الفرسان مار الفرق فالفرسان=لاكن الله يعز الدين والعربان ممسيه

سواليفك تدربيها ما تملى بطنك الجيعان=ورفرف ددسن البدوان عيب فالشريطيه
يابو جبار مادامك بدون حصان هاك حصان =ولا تكثر مجاليسك مع الناس العزوبيه