الهيـــــــــــــلا *** منتدى قبيلة عتيبة
صفحة 1 من 2 1 2
عرض 40 مشاركات من هذا الموضوع لكل صفحة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   المحاورات المنقولة الكتابية والأراء النقدية (http://www.otaibah.net/m/forumdisplay.php?f=66)
-   -   لقاء العمالقه " قديم" << الزلامي وشليويح المطيري>> (http://www.otaibah.net/m/showthread.php?t=119797)

فهد رشيد الزلامي 15-Dec-2010 12:41 PM
لقاء العمالقه " قديم" << الزلامي وشليويح المطيري>>
 
الزلامي

ياشليويح المطيري ضف عفشك ضفه=وأحتزم بحزامك اللي فالزمان الماضي
هف مع ريع السلامه جعلها آخر هفه=وانت زنبيلك على راسك وخرجك فاضي

شليويح

كف شرك يالزلامي عن رفيقك كفه=وأنت قاضي وش تسوي كان جاك القاضي
من يطول شاربه بالطيب محد(ن)حفه=وإن بغيت العلم الآخر ماتعود راضي

الزلامي

بالتمني قبلكم محد(ن)حصل له شفه=وانت في قلبك مرض من خيرة الأمراضي
قبل خمس سنين راسك داخل(ن)بالقفه=كيف جا لك بطن وكموم(ن)طوال عراضي


شليويح

شفت لي عفش منثر مير يالله ضفه=قبل لا ترد الضوامي فوق صدر الحاضي
لا تلفت يم جارك خل عندك عفه=ياعويض ماتجيب الحق من عواضي


الزلامي

ول يا ذا الكنور اللي كل يوم ندفه=لو ابى ادفدفك دايم ماقضيت اغراضي
انتهت خفه وباقي فوق راسك خفه=مير تصدم لك جبل ولياك قاضي ماضي

شليويح

أروح البارود وأرجع لا تقوم تسفه=المطيري ما وراه عراش يا العضاضي
الزلامي شيخ لكن شالها بالطفه=لو يشيل المزوده يزري عن المنهاضي

الزلامي

تعب ابو مطلق وأخوه إبليس قام يزفه=بآخر الدنيا يخيل كل برق(ن)ناضي
لو يحب الكوع ويشوف الشعر في كفه=أشهد انه في زمان(ن) فات مايعتاضي


شليويح

عدل الميزان لا ترجح عليك الكفه=من يطول به المرض يدخل عظامه شاضي
كل ما حصلت لك قرطوع قمت تهفه=ما بقى يا كود زبده خضها الخضاضي


الزلامي

دق في قلبي علوم ورف جفني رفه=ودي احضر مع قريش اللي بسوق عكاضي
والجمل خانه زمان ما بقى الا جفه=ما يوصلني و انا عندي لزوم حاضي


شليويح

هد بالسرعه شويه لا تزيد الخفه=يا وسيع المعرفه لا ينقص المركاضي
الجمل ما هو بددسن ينقلب باللفه=ما عليه خلاف بالمرباع والمقياضي

سلطان نايف العضياني 15-Dec-2010 01:14 PM
هههههههههه

سبحان الله

أشكرك يافهد وننتظر من المزيد

سعد بن مطلق المقاطي 15-Dec-2010 01:20 PM
وانت في قلبك مرض من خيرت الامراضي ههههههههههههههههههه محق مرض

الله يطول في عمر ابوجميل وشليويح هذا الشعر قبل الماده والمجملات

جبل 15-Dec-2010 03:46 PM
لاهنت على النقل يافهد

وبشرني عن عودك وصحته وهل له حفلات قادمة؟

شهران يا تاج راسي 15-Dec-2010 10:18 PM
مشكووور على الابداع
بس شليويح باقي عايش الين الحين ؟؟؟؟؟؟؟؟؟؟؟؟؟؟

حمود بن خيشوم العصيمي 16-Dec-2010 01:15 AM
محاوره شعراء معنى بها الكثير من المفردات القديمه

نادر العش 16-Dec-2010 02:24 AM
.

ول يا ذا الكنور اللي كل يوم ندفه ....... لو ابى ادفدفك دايم ماقضيت اغراضي .

هههههههه

صح لسان الشاعرين .. شعراء في غنى عن المدح ..


.

خلف المطيري 16-Dec-2010 04:25 AM
تعب ابو مطلق وأخوه إبليس قام يزفهبآخر الدنيا يخيل كل برق(ن)ناضـي
لو يحب الكوع ويشوف الشعر في كفهأشهد انه في زمان(ن) فات مايعتاضي


هذا معني المحاوره

وهذا المعني تاكيد لكلامي السابق

خلف المطيري 16-Dec-2010 04:27 AM
اقتباس:
المشاركة الأصلية كتبت بواسطة شهران يا تاج راسي (المشاركة 1138184)
مشكووور على الابداع
بس شليويح باقي عايش الين الحين ؟؟؟؟؟؟؟؟؟؟؟؟؟؟
هههههههههههه

ايه حي وانت تحسبنه كبير

68 سنه عمره ماهو كبير

اعتزل اول التحرير وعمره خمسين عام

ولد منصور الابرق 16-Dec-2010 04:42 AM
صحت الالسن العماااالقه
و
طول الله اعمارررهم


هات يافهد هات من خزنت ابوك

وبيض الله وجهك وجه ابووك سنفرت الشعار


الساعة الآن »04:16 AM.
صفحة 1 من 2 1 2
عرض 40 مشاركات من هذا الموضوع لكل صفحة

 Arabization iraq chooses life
Powered by vBulletin® Version 3.8.2
.Copyright ©2000 - 2025, Jelsoft Enterprises Ltd