حبيب وصقر والمشعاب والباكور!!طاروق جديد حصريا!!!!!
 

حبيب

البقيلي ضيع المشعاب قبل يدور حوله *** دوروله ياسليم اصحابنا مشعاب ثاني

دورو مشعاب ن اصلي زايد ن عرضه وطوله *** وان زعل حطوه مابين الجلامد والاذاني


صقر

كان وليا انك تبا المشعاب عادي لوتقوله *** وان بغيت ارحم شويه عان باكور السناني

وش يوردك الخطر وانته حكيم ومن حموله *** والهبايب ماتميل غير عود الخيزراني


حبيب

السناني قاظب الباكور حولك وانت حوله *** الله انه لايفرق شملكم مثل الخواني

لاتفك الباب كان الباب قفلنا قفوله *** وانت من قوم ن على الطاله طويلين اليماني


صقر
ابك حنا اللي لنا فالمعركه صوله وجوله *** وانت يالروقي يجيك الخوف من بطن الاماني

ياحبيب صايره وقفات ماهيب معقوله *** اخر الايام صرتو من تهاويل الزماني


حبيب
كبروها صغروها دولة ن في بطن دوله *** وانت لو يزورك الروقي يسلم ماتداني

التهاويل الذي فوق الصفا نوخ ذلوله*** بعد ماظلا مشقا من مكان ليا مكاني


صقر
واحد ن ضاري على النكبات من سن الطفوله *** ماقدر يصل القمر والجدي وسهيل اليماني

ان لحقها صفقوله وان تركها صفقوله *** ماخبرنا الحنظله تثمر بورد وزعفراني


حبيب
ليه اثور بندقي والحرب مادقت طبوله *** مستحيل امدها بالعشر واخذها ثماني

انت في قفز الحواجز تاخذ حزام البطوله *** يالحصان اللي قفزت ادون من قفز الحصاني


صقر
الخساره في هلاك الروح ماهي فالسيوله ***وانت عمرك ياحبيب بالدقايق والثواني

بيض الله وجهك يا المطيعي على النقل

بس يا ليت تنزل ابيات المحاوره مثل ما هي للمصداقيه فقط

بالنسبه لبيت صقر الاول

انت كاتب

كان وليا انك تبا المشعاب عادي لوتقوله

والصحيح من الشريط

كان امك تبا المشعاب عادي لو تقوله

ومره اخرى مشكور على انزال المحاورة في المنتدى

وجهك ابيض ياصاحب الكلمه


وانا منزلها مثل ماهي وبيت صقر صحيح ميه على ميه ارجع للشريط واسمعه زين انا مسجل المحاوره فالجوال ورجعت وسمعته البيت صحيح


وبعدين البيت اللي تقول انه البيت الصحيح مكسور

شكرا على المرور

صحة السنتهم



وشكرا على المرور يالغالي

محاورة هجومية كاسحة

صاحب الكلمه



وأنا لم أسمع الطاروق


لكن من سابع المستحيلات أن صقر يقول (ان كان أمك تبغا المشعاب )



راجع حساباتك يالذيب


لاهنت يالمطيعي وأتمنى تنقل لنا طاروق السناني وحبيب