يا سلام الله عليكم من القلب النظيف = في ليال فاضلة عظم الله شانها
الجذع سلطان ما شيف وابراهيم شيف = مستظل بخيمة ترتجف عمدانها

المشاركة الأصلية كتبت بواسطة زياد العصيمي (المشاركة 1079026) صح لسانك يافلاح وننتظر الرد

مرحبا ترحيبةٍ مثل براق الخريف=في مزونٍ هلت الغيث من ربانها
كان غاب السيف جاكم بدال السيف سيف=وأنت في طيارةٍ طايحه جنحانها

البقا بك ياالمرحب لفاك الليل ضيف = وانت من قوم تشوف السعد ضيفانها
الملازم كيف سلم سلاحه للعريف = العساكر وضعها مزعل عمانها

ابشر ابشر بالشبب وابشر بفجال كيف=والعلوم الطيبه جاتك بثمانها
أنت منته ببن ريفه ولا حصلت ريف=من حضر منا المعارك حما ميدانها

المراجل يا صحيبي مثل قصر منيف = والنشاما فاتحة للعرب بيبانها
كل منا ينطح القوم في اليوم المخيف = والمعارك يالعتيبي رقص شيطانها

المشاركة الأصلية كتبت بواسطة غالب الذيابي (المشاركة 1079075) . . . عجيب عجيب ، طاروق يعجب المتابعين. صحت السنتكم ، مستمعين لكم. . . .