بعد التحية

قصيدة بمناسبة زواج الأخوان

عبدالهادي بن حريبان بن نوار العالي و عبدالرحمن بن حريبان بن نوار العالي

بالرياض بتاريخ 7 / 8 / 1431 هـ ... متمنياً من الموالى أن تنال إستحسان الجميع

ياهاجس الشعر في ذمتك ألي ديني = والدين لابد ينشد عنه ديانه
اليوم ماني مجنب لين توفيني = بيت المواقيف ماقفلت بيبانه
أفرح بدعوى الرفيق اللي يناديني = وشاركه فرحته والنفس طربانه
اللي ليامن دعيته مايخليني = حرٍ على السابقه يصفق بجنحانه
ماهوب من حطه الله بين قوسيني = اللي لو أصيح ماجاني وأنا وزانه
أبا بيوتٍ مع الطرقه تسريني = مسرى أذيابٍ لها يومنين طويانه
اللي تبا تكشب من هظب الدياحيني = والبدو كلٍ بمشعابه وفي ظانه
أن وازنوها تقر أبها الموازيني = ترجح بكفة موازنها وميزانه
أغلا من اللي يورد فالدكاكيني = الغالي اللي لايمكن ترخص أثمانه
أليا لبسته العجوز أم الثمانيني = حتى لونها ماهيب زانه تجي زانه
الشعر وهبه وأنا الوهاب معطيني = أقرع قوافيه وغني على أوزانه
بالشرد اللي مع الشعار تشقيني = اللي صدى صوتها صح الله ألسانه
ماهوب شعرٍ يغنيه المسيكيني = أبيوت ماتنكتب وأبيوت مليانه
وأبوي في ربعي الادنين موصيني = وأنا تجودت بوصاته على شانه
دايم على مكسب الطاله مظريني = عساه في رحمة المولى وغفرانه
ومن لا حما ماقفه بين الفريقيني = جعل الحنش يظرب أحنوكه بنيبانه
ويموت فقران لا دنيا ولا ديني = مواقف الناس ماهيب دان لادانه
شعرٍ مايرظي معازيبي مايرظيني = الله ولا الكلمة اللي مالها خانه
أن لعلعت والبلا وزن البليتيني = كبيتها لو علاها النفس حدمانه
أن كان قرح القصيده ماملا عيني = ماهيب فرضٍ عليَ أتمم أركانه
الله عن الهزل بالجزلات مغنيني = والناس كلٍ حسب عرفه وصفطانه
مدام خالي حريبان متوقيني = والله لجمل أخو محمد بضيفانه
وليا حصل مابغاه الله يخليني = للماقف اللي يشوق العين ميدانه
يامرحبا ياهلا عند الحرابيني = ترحيبةٍ عن أبوطلال وخوانه
باللي لفونا من البعد أمتعنيني = قدر وغلا وحترام وحب وميانه
على فقار القعود وحيل الظيني = ومعزبٍ عند ربعه مارخص شانه
عزيز واللي لفو حفله عزيزيني = والطيب قسمٍ لبوه ورث جدانه
وحنا العجالين مخلين المراحيني = كم من صبيٍ خذينا شول مرحانه
يومنها بالسواري وم روحيني = والملح الاشهب وبارود ودخانه

وحنا العجالين مخلين المراحينـي=كم من صبيٍ خذينا شول مرحانـه
يومنها بالسـواري وم روحينـي=والملح الاشهب وبـارود ودخانـه

صح بدنك يابن صنهوت وشكراً على الإطراء الجميل

ولك مني كل الحب والتقديري

تحياتي

صح بدنك أبراهيم

الجزاله بمرورك الكريم طال عمرك

شكراً ... ولك مني كل التقدير والإحترام

ماعليك زود يابو منذر


شرفتني بمرورك الغالي وأضفيت على صفحتي

بريقاً من التقدير لك منـي كل التقدير والإحترام


تحياتي

لاهنت ياطلال مبدع كعادتك

صح الله لسانك

تقبل خالص الشكر والتقدير