سلام والا اهلين يا قوم الشمال=والا ترى الثنتين فدوة للرجال
لكن هذا فــــــــال يقفاه العقال=والمقبلات من الليال بفالها .. بفالها

يا رفيع الناس ماهم نايمينا =استمع والحر تكفيه الاشاره
واضح اللي فاليسار وفاليميـنا=زول صار ازوال والناتج خساره

يامرحبا من شاعر ٍ ربعه وفو= واصغرهم اللي في ملازيمه كفو
اليا نفخ فوق المعادين اختفو= والمقبلات من الليال بفالها

بيح المكنون كله يوم جينا = واعرف ان النار تبدى من شراره
ارض سينا مابها الا طور سينا = فوق بعض الرمل واصغار الحجاره

ياهل الوفاء ياللي تعنون الخيول=الليلة الليلة تشيلون الحمــــول
نحدكم حتى تعرفون الاصول =والمقبلات مـــــــن الليال بفالها

لا تجاهل يابن وايل مـــــا رويــنا =المعـــزب قدم عينك شب ناره
من شمال الدار طرقي له سنينا=كل ليله معه رخصة واستماره

المستحيل اللي تبونه بالهياط = مايحصل الا بعد هذا الاشتراط
اذا الجمل شفته يلج سم الخياط = والمقبلات من الليال بفالها

انت مبلي مار تبغى تبتلينا = في مسارك واترك الضيف بمساره
العلوم اللي معك ماهي يقينا = حضر البرهان ثم اصدر قراره