الدجيما في لقاء سابق تكلم فالجزيره = حول بشار الاسد والنابغه حسني مبارك
من بعدها كل ريع ٍ يزبنه يجفل بعيره = ماتعوض في حصى غزه جنازير المعارك !!

الدجيما قالها ماخاف ويش آخر مصيره = ماحسب لأقوال خلق الله ورجال الجمارك
انت لاتنسى تراك اللي ممدّه بالذخيره = لاطبع قرار فصله بعده بيطبع قرارك

كل ما فكرت فاللي لامس اسلوك الضفيره = اتعجب من علومك كلها قدام اشارك
انته اعمى قلب يارجال ولا اعمى بصيره = الصقورالها مواقع والجمال الها مبارك

كل مااقفلنا على سيره بدوا في فتح سيره = والقضايا جاتنا من بعد ماشبيّت نارك
وابك انا لاجا المواجه فيه بالحدب الشطيره = احتمَ الميقاف واحمي شاربك في عقر دارك

انت لو انك عقرت الاوله قبل الاخيره = كان قلنا من ضفر ماجات من رجال غارك
ولا انا ماغادي ٍ لي فالبلد حبة شعيره = كيف تشبع من يمينك وانت رزقك في يسارك