يا سعود العصيمي يا عزيز الجناب =كل كلمه تجي لك عطني اعرابها
الجروح العطيبه في جنوب المصاب=صبت ابها امي لين ارتوا ترابها

قبل لاعرب لك الكلمه واجيب الجواب = وش معك من شهادة علم تقرابها.؟؟
اترك المخطيه واسلك طريق الصواب = كل حجة ماتثبت غير بكتابها!!!

الشهاده كتبها متعبين الركاب=باقيٍ شي واحد اذبح غرابها
تعرف اللى يقول انا ركبنا السحاب=عالمن يالعصيمي فارغ اثيابها

المشاركة الأصلية كتبت بواسطة شبل شيبان (المشاركة 1050594) الله الله .. صحت السنتكم ياشعار .. متااابـــع ..

انت ماقدمك الا ذيب ٍ يحد ناب = انتبه للذياب وعد مرقابها !!!
شايع الصيت صيته ماغطاه الضباب = لاتهمك علوم ٍ مادرينابها.!!

المشاركة الأصلية كتبت بواسطة العازمي (المشاركة 1050609) سهم الليل ابو طايل صحت السنتكم ولنا شرف متابعتكم

ما جهلت الذياب ولا كرهت الذياب=كل لحيه تراني حاسب حسابها
لو تزكي بغير اصاع قل النصاب=حت لو كان لحيه خابت اشنابها