يشتري ويبيع فالسوق من عنده رصيد=تاجـرٍ فالـبـنـك عملـتـه بجـنـيـه وريال
ماخسر وأنا أشهـد أنـه يفـيد ويستفيد=ينعرف بتجارته من قديمات الليال

جر صوتك وارفعه واستلم بيت القصيد = وانت رجّال آجودي نعرفك وابن حلال
يالنفيعي لاتقرّب ترى منته بعيد = جرتك فالريع والمسك من بطن الغزال

دامت أنك ماأنته معاويه والا يزيد=يستر الله حال الأجواد قـبل ولايزال
أقترب من طاعة الله وهورب العبيد=والله اللي كون المسك ماعطالك مجال

ان ذبحنا لك جمل وان ذبحنا لك هريد =يالنفيعي عندنا حاسبينك راس مال
فتنة المسلم من النفس وابليس المريد=والهوى يومي بنا من جنوب ومن شمال

تدري أني فالمهمات رجالٍ سديد=وأنت حاسبني وأنا احسبك زيزوم العيال
الله أنه يعصم اللي يصلي فالمسيد=يعـبد الله طول عمره واله عنده سؤال

ماعليك خلاف رجّال وعظامك حديد =مير خلك محتزم مع مقاديم الرجال
من توفى فالبحر يعتبر ميت شهيد = لاتطب البحر لن كان مافيك احتمال

لاتوصي حريصٍ واله باس شديد=والله الكامل اللي يتصف بالكمال
غصت غبته مبطي ماش شيء جديد=والجمل شال حمله مع هذيك الجمال