ياسلام الله علاكم من سما نجد وحجازه=عدماهلت مزون الغيث في شبه الجزيره
ماهدمنا البيت يوم الجدر بنيه من عزازه=والثبيتي ساس داري بالحزام وبالذخيره

مرحبا ترحيبة ٍ بالطيب مافيها حزازه = بالرفيق اللي كلامه يكشف اللي في ضميره !
الثبيتي جدنا الاول ولاله فيك عازه = محتمي القاله ولايمناه فالماقف قصيره !!

بعض خلق الله يراوغ كن حزمه من جرازه=ماتشوف الا رسومه بالديار المستديره
الربيط اللي تجلى ما يعود في حيازه=يعرف المقصود عند القوم وعيونه بصيره

انت سيّر مع عتيبه من عفيف اليا المحازه =والكلام اللي بدون اثبات مالك فيه خيره !
لاتداحمنا وتوذينا وعظمك من قزازه = كل عظم نكسره ماعاد تجبره الجبيره !!!

لوحطيت الك في وسط البحرعشرين فازه=وقلت ياغواص غوص وطلع العين القريره
تنكر إن البطن الأول له قراره وامتيازه=والبطون شباع وسمان وحواديها ضريره

طيع رايي واخذ يانياف لك شهرين اجازه = دام متعافي ولافاقد ولو حبة شعيره !!
ان بغيت الصدق جاب المركز الاول وحازه =الامير اللي عليه التاج معشوق الاميره !!