الهيـــــــــــــلا *** منتدى قبيلة عتيبة - حبيبي لاتعذر روح وأنت من الخطأ محشوم

- قصائد الأعضاء (http://www.otaibah.net/m/forumdisplay.php?f=10)

- - حبيبي لاتعذر روح وأنت من الخطأ محشوم (http://www.otaibah.net/m/showthread.php?t=105961)

حبيبي لاتعذر روح وأنت من الخطأ محشوم

السلام عليكم ورحمة الله وبركاته

مساء/صباح/الخير

بصراحة أنا لا اجيد المقدماااات ويمكن اجيب العيد لو بديت اتفلسف

لكن هذي ابيات متواضعة امام سمو ذوائقكم التي اتمنى ان لا تقسوا عليها

ألا يألي لك بصدري غلا بين الظلوع يحوم=ولك حشمة وفاء تفرق عن العالم وحشمتها
ولك في نون عيني صورةٍ حيه وأثر ورسوم=لو أعمى من سببها ماتمل العين شوفتها
ولك في تجربة ذاتي نصيب وقسمك المقسوم=بيوتٍ من قراها ماطوى للذم صفحتها
بعد دار الزمان وسقت ركبك للرحيل اليوم=وحلت ظلمة الفرقا وظيقتها وحسرتها
أشوفك يوم جيت أوادعك متنكد ومهموم =وعينك مابقى ألا تختفي في موج عبرتها
توادعني وتوقف وقفة ألي بالجفا متهوم=ظميرك ماتريّح والظنون أشبعت رغبتها
تحاول تعتذر منّي وكنّك بالعذر ملزوم=تحملت الخطايا والخطايا مأنت سبتها
ياويلي عنك من قلبك !! تعذر وانته المظلوم؟=ظلمك الوقت واحلامك سراب التيه شتتها
لاوالله لاتعذر روح أنت من الخطا محشوم=أنا طالبك عينك لاتكرر فيّ نظرتها
تريّح وأشعب ركابك عزيز ولاقفاك اللوم=معزتك القديمة وقفتك محتار زادتها
فديتك لاتحيّر عانق دروب الفراق وشوم=عن ألي ماحمل في صدرة الشرهه وسيرتها
أنا مالي عتب فألي حصل دام القدر محتوم=ولاشككت في نفسٍ رست فيني محبتها
وذا قصدك دموعي!! فالهوى مال المحب عزوم=لو إنه فالوغا كفه تهش المزن سطوتها
وش اصعب من فراقك؟ لاتواخذني يمين الصوم=لو أحبس دمعتي غصبا عن عيوني تباغتها
خلاص أرجوك روّح في طريقك واترك المحروم=يعيش العمر لين النفس تاخذها منيتها
خلاص أرجوك روّح لاتقف ترمي علي هموم=تراني ما أتحمل نظرة عيونك ودمعتها
تنصى غربتك وأبحث عن أفراحك وأنا بأقوم=أدور عن حياةٍ ثانية واعيش فرحتها
عسى دربك يغطيه النفل والشيح واليشموم=فراقك صعب لكن المحبة ذي نهايتها
قسم بالله ماعمري بكيت المقفي ألا اليوم=بعد شفت تعذر ياهوى روحي وغايتها

شعر,,ابراهيم الزراقي

حــــــــــــجــــــــ [ 1 ] ـــــــــز

:)

بسم الله الرحمن الرحيم ..

السلام عليكم ورحمة الله وبركاته .. :)

صح لسآنك .. استاذي : إبراهيم الزراقي ..

لهذه الفاتنة .. عبق رائحته مسك .. عطرَت أركانها بقافيَتها ..

وأبهرت السائح بما خلف هذه الفاتنه .. فــ أنا سائح تسوحَت في أنحائها وصورَت معالمها ..

لك منَي كل الإعجاب بهكذا شاعريَة ..

ووافر الإحترام بهكذا شخصيَة ..

أسمى وأرقى تحاياي 00}

أسير القوافي

صح لسانك مدد بلا عدد

باذخة شعريه لا يتقنها الا الافذاذ

رائعة جداً لاتمل ،، وفقك الله لكل خير

ياويلي عنك من قلبك !! تعذر وانتـه المظلـوم؟
ظلمك الوقت واحلامـك سـراب التيـه شتتهـا

الله الله الله

صح لسانك مدد بلا عدد

جزله جزله جزله

ولا عليها كلام ابد

قصيده قريتها اكثر من مره وابرجع اقراها

ماقول غير

ما شاء الله

تعجز الكلمات عن الرد عليك يا ابراهيم

صح لسانك اعتقد انها غير كافيه

لكن بيض الله وجهك وصح لسانك يا مبدع

..
.

مبدع يابراهيم...
وابداعك غير مستغرب صح لسانكـــ

تحـاول تعتـذر منّـي وكنّـك بالعـذر ملـزوم
تحملـت الخطايـا والخطايـا مـأنـت سبتـهـا

أبدعت ياإبراهيم وبيض الله وجهك تقبل مروري

اقتباس:

المشاركة الأصلية كتبت بواسطة أسير القوافي (المشاركة 1001439)

اسير القوافي

صح بدنك وانا سعيد للغاية في مرورك وفي كلام العذب

تواجدك هناااا يعني لي الكثير

تحياااتي الصادقة لك

اقتباس:

المشاركة الأصلية كتبت بواسطة راع الزلفي (المشاركة 1001461)

صح لسانك مدد بلا عدد

باذخة شعريه لا يتقنها الا الافذاذ

رائعة جداً لاتمل ،، وفقك الله لكل خير

راعي الزلفي

صح بدنك لين ترضى

الجمال لايتذوقه الا من شرب في كاااسه

تحياااااااااتي