بعد ما جينا محل اللي على العليا معدّي = يا سلام الله على اللي حاضر لموقع عتيبه
سيفي اللي في يميني ما شريته لابن جدّي = كان ما سليت سيفي للمعادي ويش ابيبه

نلتقي على خير "

البقاء ياللي ترحب لو ما فيها تحدي = جيت ابقطع حبلها قدام لا تصبح مصيبه
والله انك فالمواقف يالثبيتي ما تسدّي = الخصيم اللي رمانا وانت ترمي ما تصيبه

ان لبست الثوب قدام العرب ماهو بقدي = وان رميته جاله اللي يلبسه وايزر جيبه
مارماك الا يداك اللي نظرها مايقدي = وان لطمنا عينها تحسب على مثلي ضريبه

يا صحيبي لا تروح بعيد خلك دون حدّي = جر فكرك لا تجر الصوت والهرج تحكيبه
ابن عمي لو يقول اللي يقوله ما يَضدّي = وانت تاقف مع عدوه ما تناظر في صحيبه

ابيض وجه يابن منور وبدايه ممتازه وبدعه جزله من شاعر جزل ولاهان ابن سرحان واصلوا الابداع لاهنتم وهذا الشعر الذي يستحق المتابعه

ابن منور ! ، ابدعت وصح لسآنك /~ ابن سرحآن ، مآقصرت وصح لسآنك .. متآبع / ..

ودنا نرضيك مير الوضع كله في تردي = وودنا نرفع عمود البيت وانت اتقول سيبه !!
الكلام اللي تقوله لا يجيب ولا يودي = نعرف افعول الرجال اللي مواقفها رهيبه