مثل العسل فالكوب مسكوب . سلام مني يطرق الباب = واللي نقض قافي يشوفه . قافي عسل فالكوب مسكوب
شاعر على المرقاب مرقوب . ولايلتفت في هرج كذاب = اللي قليلات عروفه . ماهو على المرقاب مرقوب

الطيب فعله دوم مرغوب. يامرحبا دون أحسب حساب=وانا مايلحقني كلوفه.والطيب فعله دوم مرغوب
وعـدك لا يطــلع وعــد عرقوب.لتنكشف قدام الاصحاب=والبيت من حجه يطوفه.وعدك لايطلع وعد عرقوب

بسم الله الرحمن واتوب . يا ساتر(ن) عبده بجلباب = راع الصرر يصبر كشوفه . بسم الله الرحمن واتوب
ياذيب منا ماانت محسوب . واقنب على كيفك بلاعقاب = وانهج مناهج ياحسوفه . ياذيب منا ماانت محسوب