يامرحبا ترحيبتن ترقا على سطح القمر=فالمنتدى اللي يجمع العتبان مع خطارها
اما سبحنا فالفضا ولاسبحنا فالبحر=الحمدلله قادرين ولا نهاب اخطارها

دام البقاء اللي ترحب عند عالين القدر = فالمنتدى اللي يعطي العربان كل أخبارها
اما قطفنا من زهر ولا نقشنا من حجر = والحمد لله من رجالٍ وافيات أشبارها

الله الله
صحت السنتكم وقلوبكم

متابع لكماء

والصف صفكم يالثنين

كم لك تحفر فالصخر ياصقر وانت اسمك صقر=مانته على اسمك دام ماتعرف تفك اسرارها
نوبن توجه للحسا نوبن توجه للحفر=ماتدري ان الفاتنه يم الحجاز اديارها

أنا على أسمي ياشبل والحمد لله أنتصر = وأنته شبل لكن ماتعرف تعسف أمهارها
تبى الحقيقة ياشبل الله يجيب لنا المطر = الديرة اللي قلتها ماشوف غير أعصارها

صح بدنك ولاهنت

القصر ماتقدر تهده وانت ماتهدم خدر=لكن ياليتك تبهر دلتك بابهارها
اما ياصاحبنا عما ولا ياصاحبنا عور=الديره اللي قلتها جانا نسيم ازهارها

القصر بأهل الطيب والطالات دايم منعمر = وأنته تقهوى ياشبل عند العرب فوجارها
الظاهر أنك ياشبل عنك مشاكل فالفكر = أرجعك يم اليمين وأنته تروح يسارها

اتقولها مانته بداري نكبتك ثاني شطر=تبا تميلها ومالت فوقكم بستارها
من يوم شفتك ياصقر فالبيت واطيل النظر=البندقيه رافعن نيشانها واعيارها