سلام تسليمةٍ تقطع ظهور القفار=تسليمةٍ وافيه و العود بعد الشحم
يا عيد يا عيد ملينا من الانتظار=و الظاهر انّا على ما قيل نبطي عظم

يا مرحبا يا هلا ترحيب حشمه وقار=بالصاحب اللي على الهمه يشيل العلم
يالراي ليلك يبا يغشاه نور النهار=لاكن على دربك المبروك حث القدم

الك البقا يا الذي دمه على طول فار=المحترم طال عمرك يعرف المحترم
قبل امس وسط الرياض العلم وصْل الزرار=كله سبايب غريرٍ بالزمن ما فهم

ما فار دمي ولك علمٍ يهز الكبار=وانته تخير ما بين الهجن ولا الغنم
ما يجهل القوم غير مضعين الديار=والله يشافي مريضٍ يشتكي من سقم

طابقت ولّا بعَد يا شيخنا المستشار=ليتك تشوف المهم اليا خذاه الاهم
ما يذبح القوم غير الذل و الاحتقار=احيان وسط العظم و احيان وسط اللحم