:)

ياسلام الله سلام" من ورى الباب ابنقوله=ياللي بالحياه إستحيتو / من يرحَب في مقامي
وأنا شاعر وأحتم الماقف وأردَه بالسهوله=واصل" كل المناوي والدعاوي والمرامي

مرحبا باللي مخالف سنة الله ورسوله = انت عند رجال لاتغلط ويلحقك الملامي
فيه شاعر ماهر وبارع وتنقصه الرجوله = لو يحققها يجي رجال فعلاً بالتمامي

يكفي إنَك قلت كلمة [ مرحبا ] لو هيَ معقوله=بالعتب ياهل السواد اللَي على كل الهدامي
بيَ حق تذمَ فرسان التحديَ والبطولة؟=والسيوف اللَي صقيله ماتقصَ إلًا العظامي

مرحبا والباب باب رجال بابك منت حوله = انت تبغى اللي خلاف وجيت للباب الامامي
كان وقتك حدك وجايٍ تدور لك سيوله = نعطي المحتاج حقه لوتحت جنح الظلامي

:)

من مكانك في مكانك سدَد الهدَاف قوله=والحكم لو ماحتسبها يرتكب فعل" جرامي
من ورى لوحات خطَ نجران وسهوله=يرمي الحوثي رصاصه يالعلَه للعدامي

سجلوها له ومن سجل في بابه سجلوله = باقي الشوط الاضافي عاقبه والصفق حامي
افتكر فاللي لفا درب الخطر يسحب رجوله = اعتبر واعرفك تعرف فالحلال وفالحرامي

من كرم ربَ البرايا ملعبي صعب" وصوله=احسبوها وأنا لي تسعة عشر عامي
مالفينا إلا الكهوف اللَي مرقدَة" وعوله=من الجوع إلها صياحه ويدينها قامت توامي

المشاركة الأصلية كتبت بواسطة سطام الشجعاني (المشاركة 983765) يعطيكم العافيه متاابع تحياتي لكم