يا شبل اقلط وتلقا كل شي مايريب = والمعاني بيني وبينك نعرف اوزانها
بعدها يازين بدع القاف والطيب يجيب = مايسلي خاطره فالملعبه واركانها

ياشبل شيبان آظنك مخطين منته مصيب=لاتشيدلك بنايه طايحه سيسانها
ابدع القيفان واذهن للبعيد وللقريب=والدعيه لاتوردها بلا برهانها

الرجل يحفظ حقوقه عند حماي القليب = والديار الله وكيلك ما نشوف اعيانها
صار فيه احزاب حزبن يحضر وحزبن يغيب = والديون اشتالها الديان وايض ادانها

لاتدور ياولد شيبان ياكود الصحيب=ماعلاك امن الحثاله لو رجح ميزانها
انت توك ياشبل شيبان فالديره غريب=لو طغت بعض الفرق مالله بمعلي شانها

الطبيب يداوي احيانا ترى الجرح العطيب = وبعض الاحيان يتزايد جرحك من اعوانها
البلا ياصاحبي في ديرتك وانته عجيب = الغريب اللي رحل عن ضحكته واوطانها