ليش يالعمده اللي ماتشوف الدروب=الحقايق علامك ماتجينابها
انت مانت بعلا بعض العلوم مغصوب=خلّها ياطويل العمر لاصحابها

لو درست العلوم اللي تفيد الشعوب=كان كل الظواهر تعرف اسبابها
لا تخض البحــــــر وتقول اظنه يروب=اهل مكة تراها تبخــص شعابها

كيف تتلبس بثوب (ن)ماهوب لك ثوب=ليت مانته من اللي تقلب ثيابها
ضو شمس الحقيقه كيف صار محجوب=النشاما ورى ماتحسب حسابها

ثوب عز وفخر في سلم والا حروب=واحـــزم الناقصة في ظهر جلابها
انت خلفك جبل لولاه كان الهبوب=من عصر طيرت لحيتك واشنابها

مانقول لك في هرجك ياعمده كذوب=مير حجتك هاذي قدّم كتابها
الجبل فوقه الارياح من كل صوب=ولاّ انا قبة العز اتذرابها