مرحبا ترحيب يقدح كما قدح الزنود=بارك الله في عتيبه وفي شعارها
كان يالعمده تعرف الصدور من الورود=بنت ابو زيد الهلالي عشقا جارها

البقا للي ليـا زادت الشطــــــــــــة يزود=والله يخلي كبـــــــــار العرب لصغارها
دام مال الرجل معها جهود ولا وجود=قلّه الله لا يهينه يدور غارها

العلوم اخذ وعطا لاتعديها الحدود=يالعتيبي كل لحيه لها مقدارها
لد عينك ونتبه للبروق وللرعود=المخايل من سما ها تهل امطارها

ما يجيك الميل منـّـا لكن ارقا سنود=كل ديرة سير فيها وهات اخبارها
الكريم اللي من امواله الحره يجود=ما يسوق علوم قومً طوال اشبارها

الله انه ينصر الدين ويذل اليهود=اليهود الي عسي ماتطول اعمارها
العلم مرفوع والعود في عين الحسود=والديار بخير والله يعز اشعارها

الزمان هذا زمان التحدي والصمــود=والليالي كل لحظة تزيد اخطارها
الفخر للي يشيل السلاح مع الجنود=ما يباري زول ليلى ويضرب طارها

المشاكل جعلها يالعتيبي ماتعود=ماعلينا خوف لوهي توقد نارها
الفخر من طبعنا والعلم فوق العمود=ونتحدي وام ظرفين نلعن عارها