والله أني ظايق الخاطر وفـيَ اللـي كفانـي = من زماني والعلوم اللـي تطاولنـي طويلـه
لايغطيها الخفوق .. ولايسولفهـا اللسانـي = ولايعدلها الحكيـم اللـي يعـدل كـل ميلـه
أه وا ويـلاه يامزيـد وويـن الله بـلانـي = في فراق اللي ماني بلاقٍ مع العالـم بديلـه
ماهناني طعـم زاد ونـوم عينـي ماهنانـي = أتخيـل صـورة قـدام لمـرح كـل ليـلـه
وتقلب لين يصبحبي صباحـي فـي مكانـي = عيشتي من بعد فرقى روح روحي ويش هيله
الغزال اللي بوسـط القلـب بانلـه مبانـي = ظافي الرمشين غظ العود منسـوع الجديلـه
أشهدنه بعد ماصيطر علـى قلبـي كوانـي = كيتيـنٍ مايداويهـن طبـيـب المستحيـلـه
ماذبحني غيـر أبـاه وخابـرٍ خلـي يبانـي = من خبر خلٍ يبا يصبر علـى فرقـى خليلـه
ميرلازانت علومي ثم عثـى فيهـا زمانـي = كيف أرد السيل لاينحى زباده مـع مسيلـه
والله أني ماهقيت العشـر تاترجـع ثمانـي = لين وقتـي حطلـي فـدرب لفـه وتحويلـه
مانويت انسـاه لونـه مـع بعـدي نسانـي = ابك أنا مجنونه الصاحي ماهوب مجنون ليله
ويش أبا فالبيض عقبه لو مطارقهن ليانـي = كيف عاد أنتن بعدهـا ياحساحيـس القبيلـه
واوجودي لو أشوفه عقب فقده لـو ثوانـي = وجد عودٍ في مطيحه مالقالـه مـن يشيلـه
قايم الجهمه يبا يصلي قبـل وقـت الأذانـي = إتعصى ويتخثـع مـع مقامـه فـي شليلـه
وهجدوه القـوم مالـه لاعيـال ولا خوانـي = وعتزى بم الكحيلـه ونكسـر دون الكحيلـه
هجو الوضح الزيان وقدمهن بنت الحصانـي = والبنات أقفوبهن واللي بقاله مـن حصيلـه
حر كبده والقهر والظيم ومنـزال الهوانـي = ممرحٍ في بيت عز ومصبحلـه فـي فشيلـه
من وطاه اللي يابو ميزان في وقتي وطانـي = لو يجامـل مـن يمـره لاتطـرف عزتيلـه
مالك ألا شيب عينك لو تدري ويش جانـي = كان صحت وقلت والله مامعيلك فيـه حيلـه
حسبي الله فوق من لفراق محبوبي حدانـي = ماخسر عبدٍ ولًـي الكـون والدنيـا وكيلـه