يابن برقا بعد صرت مع حزب الكبار = سلموك المجهر اللي عرفت تشغله
مار وش ينفعك مادامت عيونك صغار = لو تشوف اللي عليها حرام تحلله

ابن برقا ماقعد تحت وضع الانكسار = لورفيع المنزل يموت داخل منزله
لاتخلينا نفكر على ضغط الزرار = الصراحة مابغينا تثور القنبلة

الحقيقه مجلس الكونغرس صدر قرار= الطويل يقصره والقصير يطوله
لو ضربت الارض ياسعود ماثار الغبار = وانت تذكر برق من دون مزن نخيله!!

مابقى الا انك تطالب برد الاعتبار = دوّر المفتاح والباب حاول تدخله
تجري الاحداث والوقت وشلون استدار = النشاما ماتسولف بعلمٍ تجهله

السفن تصتدها الريح في عرض البحار = مار يالله تدحر الظلم واللي يفعله
انت نشمي مار عطنا الدلايل باختصار = لاتخط القاعده قبل شرح الامثله

ملعب النادي يطبق نظام الاحتكار = ماهو بملزوم في كل لاعب يقبله
لابغيت اختار يصعب علي الاختيار = لين راحت كلها سلسلة متسلسلة