فواز السعيدي

الاوله سلام ردية كما نقد الهلل = نبدا بها عند الرجال اللي تعرف احدودها
ياعيضه ابن معيوض ابن ثبيت وش قال المثل ..؟ = قال المثل من ذاقها مره لا عاد يعودها

عيضه الثبيتي

يامرحبا ترحيبةٍ مثل الذهب قول وفعل=اقولها من عرف وفعول الرجال شهودها!!
يامكثر الأمثال..مير العلم أخير من الجهل=وأيامنا ماعاد نعرف بيضها من سودها!!

فواز السعيدي

الله يبارك فيك وانته ياجمل ناصي جمل = وخلال عين (ن) تنظر لصبحا وزين خدودها
انكان ودك تبعث الفتنه وتنشب فالوحل = يابغضها بين الحداده والحرير يقودها

عيضه الثبيتي

دوّر ذرى يذريك عن وبل السحاب اليا استهل=ترى المخايل في جهتك بروقها ورعودها!!
اهون علاك اتعيش فاقصى الضلع والاّ فالسهل=خابرك ودّك بالهبوب اللي يذعذع نودها!!

فواز السعيدي

الدرب الايمن منقفل والدرب الايسر منقفل = يادبرة الله فالهنوف اللي صعيب ترودها
مدري تبا ضرب العصا ولا تبا ذوب العسل = لو كان فيك من المواري لو تقر جحودها

عيضه الثبيتي

ذكرتني باللّي يقول (الشام مالي فيه أهل)=مالك ومال الشام عوّد لليمن وزيودها!!
أنته تقوله من غبا ولا تقوله من زعل=بالله لاتظهر عصاك اللي كسرناعودها!!

فواز السعيدي

ذكرتني باللي تعب والفايدة قشرة بصل = جاته جمال اصليم تقدح فالفتيل زنودها
تدري ياعيضه لو نشدتك وش جرى مدري حصل = فالفيه اللي ماكوى ظهرك سوى جلمودها

عيضه الثبيتي

كان الجمال توّلع النيران ..يالهذلان..أجل=أجمالكم بكره ماتلقون الجرب فجلودها!!
ياليتني قلت:-الهلل في سوقنا ماله محل=قدام لا ناقص سواليفك يغطّي زودها!!

فواز السعيدي

اليا عجزت تسد ريع المشكلة ويش العمل ..؟ = والمشكلة ياعمدة الحارة وردت عدودها
بلغ غليص اني كحلت عيون جده بالكحل = ديدن رجال(ن) فاللزوم تجود من ماجودها

عيضه الثبيتي

أنت متاثر بالحروب اللي تجي بين الدول=ودّك تحارب مير كفّك منكسر عجرودها!!
عى حصاة هذيل مال السيل والوادي فحل=والخوف جوف قلوبها والموت جوف كبودها!!