الهيـــــــــــــلا *** منتدى قبيلة عتيبة - ربااااااااااااااااااااااااعيه>>>>>>>>>>> ((الثبيتي+الجلاهxxxالجذع+المرشدي ))

النشمي

حديت سكيني واقول الليل وينك يالجلاه= ماحدها من شان ناصر للجذع حديتها

ناصر الجلاه

أنا حزامك ياعلي والنجم عالي في سماه=يالمرشدي صب الدلال اللي لنا زليتها

سلطان الجـذع

أقيّس أنك منتحر واللي يسرك ماتباه = تبا تحيمر لي عيونك بعد ماسديتها

بندر المرشدي

المرشدي من حضه الطيب وقعتوا في يداه=تبا تدن الهاشمية كان مادنيتها

النشمي

ولد الجذع قلتلك ياناصر تجوز ابه الذكاه=لكن حشمة بندر السكين انا رديتها

ناصر الجلاه

اللي يسل السيف يابندر يبى يروي ظماه=ماني بناصر كان فيكم سلته ماادميتها

سلطان الجـذع

تقولها ياصاحبي واللي ورى قلبك وراه = نويتها لكن حداك الخووووف ماسويتها

بندر المرشدي

ماني ببندر كان ماحطيتك بكم العباة=وجروحك اللي داميه ماسرّ لو داويتها

النشمي

عفيت عنك وروح فارق روحة مقيط ورشاه= انته سوات العنكبوته يوم تخرب بيتها

ناصر الجلاه

خمس الفروض اللي تعاقب كل يومٍ في صلاه=صليتها يالمرشدي وألا أنت ماصليتها

سلطان الجـذع

ماهي بلحية عفو .. واللي قال قولٍ ماحماه = مثلك : بديت أبها على غير السنع وانهيتها

بندر المرشدي

يامطوع المسجد لقينا في فتاويك اشتباه=تنصح عيال الناس وانته ذمتك ما ابريتها

النشمي

قلي صحاري نجد كيف اتعادل اجبال السراه= لو مستحي وضحت معناها والك سميتها

ناصر الجلاه

نصحت بندر وانتفخ ضايق علامه وش بلاه=ياليت روق اصحابنا ماتنتفخ ياليتها

سلطان الجـذع

أقول لك لو مبتداء علمك يخالف منتهاه = حوّل تحاول تكحل عيووونك لكن اعميتها

بندر المرشدي

في مبتدا المشوار تاتقضي علينا ياهذاه=وذا الحينه تقدم نصايح وش بلاك اخطيتها

النشمي

خل المغطى يالجذع ماودنا نكشف غطاه= النار ماتقدر تصاليها بعد شبيتها

ناصر الجلاه

اصمل ولا أصمل في عميلي والسبايب من غلاه=وألا لو اصمل فيك ماتشتالها وطيتها

سلطان الجـذع

انته على راس الجبل ناديت ثم قلت لك : هاه = لكن بعد شبيت نارك ليه قمت أطفيتها

بندر المرشدي

اللي يجي للمعركة لا ترحمة لو قال آآآآه=خل العلوم الباقية يارجل في توقيتها

النشمي

سلطان في وجهه نبا نعطيه والا في قفاه= ماعاد فيه امجامله شال الحمول اونيتها

ناصر الجلاه

اخاف لو طال المدى فالليل ضيعكم دجاه=ترى الليال السود سرتكم .. وأنا سريتها

سلطان الجـذع

أخاف ترجع يوم ألد العين ,, عن علمك هذاه = أنت أول الطاروق قلت علوم ثم خليتها

بندر المرشدي

يالربع شوفوا وجه ناصر عقب ما بندر زواه=الطيف... والوانه سبع في ناظره عديتها

النشمي

الله يرحم من تبناكم تحت فية عصاه=قبله شوردي والثلاث البيض مامشيتها

ناصر الجلاه

الفرق واضح بندر المكوي وميسمنا كواه=لوقالها تبريد في نفسه فأنا ماأوحيتها

سلطان الجـذع

والله يرحم من تبنتكم تحت حيد الحصاه = من كثر غلطاتك لو أبغى اعدها مااحصيتها

بندر المرشدي

انشق غربك وانفرا لكن من اللي فراه؟=مهما تعذر بينّة والسالفة ياكيتها

النشمي

نويت احدك لين تبركبك على صم الصفاه= يالشاعر اللي نرمي الألغاز ماحليتها

ناصر الجلاه

والله يابندر قول .. وألا فعول لا هذا وذاه=ألحق رجال قدمكم مريت وتعديتها

سلطان الجـذع

انته على قيد الفنا والا على قيد الحياه ؟؟= عين العقل شافت علومك لو تقول أخفيتها

بندر المرشدي

ياناصر اللـــــــه لايهينك بعد طابور المشاه=اد التحية للجذع من بعد اللي ما أديتها