الهيـــــــــــــلا *** منتدى قبيلة عتيبة
صفحة 8 من 11 « الأولى 67 8 910 الأخيرة »
عرض 40 مشاركات من هذا الموضوع لكل صفحة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   المحاورات المنقولة الكتابية والأراء النقدية (http://www.otaibah.net/m/forumdisplay.php?f=66)
-   -   المحاوره المباشره التي جرت بين( صقر سليم=عيضه الثبيتي ) (http://www.otaibah.net/m/showthread.php?t=38975)

نايف الحميدي 14-May-2007 12:06 AM
اقتباس:
المشاركة الأصلية كتبت بواسطة صقر سليم (المشاركة 337967)
نمشي على عز وشرف ماهو بعيب ولا حرام =أحسن من اللي حطت السكين في حنحونها
الطرقي اللي ما معه بندق ولا عنده حزام = ما هو غريب تحطه ذياب الخلا في بطونها


صح لسانك



ياصقر سليم

> الحزيمي < 14-May-2007 12:08 AM
الطرقي اللي ما معه بندق ولا عنـده حـزام
ما هو غريب تحطه ذياب الخلا في بطونهـا



الله الله

مرزوق حمدان العتيبي 14-May-2007 12:09 AM
عيضه الثبيتي
...

يامرحبا ترحيبة العتبان بسليم الكرام=اللي على طول الليالي ما اختلف قانونها
ياسليم ياهل العرف مطلاع الكلام من الكلام=واللي يقف من دون ربعه ينثني من دونها

صقر سليم
دام البقا ياللي تسابقنا على ردالسلام= وانته تحقق يالثبيتي وتعرف مضمونها
هذي حقيقه واضحه والنور اخير من الظلام=كل الدير ياشاعر الهيلا نعرف حصونها

عيضه
هذاه من زود الغلا ياصاحبي والاحترام=حنّا هل الأولى ترانا والسلوم نصونها
اما اعقلوها بالعقال وخطّموها بالخطام=ولا بلاش من البيوت اللي طوال ركونها

صقر

تحية الاسلام من حق المسير فالنظام= هذي سلوم الدين والمفروض ماتنسونها
حنا رجالٍ ما لحقنا في لوازمنا ملام = خل الأمانة لا انت راعيها ولا مامونها


عيضه
ياصقر صح النوم لايغلبك ياصقر المنام=اسليم عن بعض المواقف لاتنام عيونها!!
ياجعل رجالً مايعط الحق بيته للهدام=ويبارك الله فالرجال اللي تسد ديونها!!

صقر

سليم في وقت المواقف خصمهم يصبح عدام =روس المجنن من فعايلهـم تطيـح جنونهـا
وانته يا عيضة لو ورثت العود مرحوم العظام=يمدي ثبيت اللي تعزوى بك بردت غبونهـا

عيضه
ما اذمكم ياصحابنا والزرع قافيه الصرام=مير البحور السبع يالسلمان لا تعطونها!!
الحيَّ سدّ النوب.. واللي مات جعله للرحام=وأم الكباير في علابيها كسرنا شونها!!

صقر

نمشي على عز وشرف ماهو بعيب ولا حرام=أحسن من اللي حطت السكين في حنحونهـا
الطرقي اللي ما معه بندق ولا عنـده حـزام =ما هو غريب تحطه ذياب الخلا في بطونهـا

رشيد النقريني 14-May-2007 12:09 AM
صح الله ا لسنت شعاااارنا ولاهنتم

وبيض الله وجيهكم

عيضه الثبيتي 14-May-2007 12:12 AM
الله الله

لا تنشد الا شايبً عمره ورى تسعين عام=ويعلمك باللي تقارع فالبحور صحونها!!
أنته تروّعك الذيابه ياصقر قبله وشام=وحنّا الذيابه يالبقيلي كاسرين سنونها!!

نايف الحميدي 14-May-2007 12:16 AM
اقتباس:
المشاركة الأصلية كتبت بواسطة عيضه الثبيتي (المشاركة 337979)
الله الله

لا تنشد الا شايبً عمره ورى تسعين عام=ويعلمك باللي تقارع فالبحور صحونها!!
أنته تروّعك الذيابه ياصقر قبله وشام=وحنّا الذيابه يالبقيلي كاسرين سنونها!!



الله الله


صح لساااانك ياعيضه

> الحزيمي < 14-May-2007 12:19 AM
لا تنشد الا شايبً عمره ورى تسعين عام
ويعلمك باللي تقارع فالبحور صحونهـا!!
أنته تروّعك الذيابه ياصقر قبلـه وشـام
وحنّا الذيابه يالبقيلي كاسرين سنونهـا!!


لا تنشد الا شايبً عمره ورى تسعين عام
ويعلمك باللي تقارع فالبحور صحونهـا!!
أنته تروّعك الذيابه ياصقر قبلـه وشـام
وحنّا الذيابه يالبقيلي كاسرين سنونهـا!!


ماشالله عليك جزل

عيضه الثبيتي 14-May-2007 12:25 AM
الحزيمي

لا هنت على التفاعل

ابن مشيب 14-May-2007 12:25 AM
صحت السنتكم ياصقر سليم وياعضية , طاروق رائع وابطاله من عمالقة الشعر , واصلوا وحنا متابعين


تحياتي

عيضه الثبيتي 14-May-2007 12:26 AM
هلا والله

يابن مشيب


شرفتنا بحضورك


الساعة الآن »05:45 AM.
صفحة 8 من 11 « الأولى 67 8 910 الأخيرة »
عرض 40 مشاركات من هذا الموضوع لكل صفحة

 Arabization iraq chooses life
Powered by vBulletin® Version 3.8.2
.Copyright ©2000 - 2025, Jelsoft Enterprises Ltd