|
مستور العصيمي وسلطان الجلاوي وجهان لوجهةٍ واحده .. !
والله يالموضوع مدري كيف صاير احسه سب للثنين |
ياجماعة الخير
أي واحد يعطى أكبر من حجمه يكون المردود سلبي عليه ينغر وبالتالي يفشل أنا والله العظيم ماأكره سلطان الجلاوي . ولكن من الظلم إني أقارنه بمستور العصيمي واللي يزعل من كلامي يشرب البحر سواءاً تركي ولا مرزوق والا سلطان الجلاوي نفسه الجلاوي نفسه مايقارن نفسه بمستور الا إذا كان مغرور وهم بتقييمهم هذا يضرونه مايسرونه فالح الغنامي . ظهر على الساحه بعد الجلاوي بسنوات . والله ماعمري شفته الا في المسابقه ولاعمري قابلته على الطبيعه . أفضل شعراً بكثير من الجلاوي . وانا هنا أقول شعراً وصل العطياني كذالك سفر الدغيلبي كذالك حمدان العصيمي كذالك فيه شعراء شباب من قبيلة الثبته بني عمي القريًب أفضل شعراً من الجلاوي ماذكرتهم . هل أنا أكره بني عمي . لاوالله لكن. العطياني والغنامي والدغيلبي والعصيمي حمدان عندهم فتل ونقض في المحاورات أفضل الصراحه راحه واللي مايعرف إني شاعر أو مايعجبه شعري ماني في حاجته لكن لازم يعرف إني عضو في منتدى قبيلة عتيبه الهيلا الرسمي . أقول للأعور أعور في عينه وإذا أحد الشعراء الكبار سناً وشعراً أطلق لقب على شاعر من باب المجامله أو النفاق وقال أنت شاعر القبيله الفلانيه . خلاص يعتبر مرسوم ملكي شاعرنا الكبير رشيد الزلامي قال للشاعر فلاح بن صياف . هذا البيت من بيوت صياف . صياف مامات رشيد ذكي وصادق . من خلًف مامات. يبي قبيلة حرب تصوت لفلاح بن صياف ببطاقات سوا من دون تحقير لفلاح بن صياف . هل يقارن شعر فلاح بأبيه مستور العصيمي قال للشاعر زبن القاضي . أنت شاعر الهيلا . خلاص أصبح زبن شاعر الهيلا حتى زبن يعرف إن مستور قالها من باب المجامله إذا حكى الحاكي يكون المستمع لبيب وأقول . للعفريت ولسعيد العبد ولبندر المقاطي . مشكورين على مشاعركم نحوي ولاعاد تمتدحون وصل الثبيتي . حتى لايدخلني الغرور وصير متكبر تحياتي للجميع |
كلامك عين العقل وصل سلطان الجلاوي توه والسعد قدام وراه قبيله تظهره ماهو مقطوع
لكن مقارنته في شاعر عمره الشعري اكبر من الجلاوي هاذي مالها مطار مطلق مستور رشيد الصواط حبيب ملفي شيلوهم من المقارنات مع شعار هالوقت ذولا اظهرو ماللناقد والحاسد عليهم طريق ماهو بس علي مستوي عتيبه علي مستوي القبايل الاخري |
اقتباس:
قلنا الحق ياوصل ردودك كانت منطقيه وايدناها |
تصحيح لمعلوماتك فالح الغنامي اقدم من الجلاوي بسنوااااااااااات وحضرت له حفله بظلم قبل 12 سنة
|
اقتباس:
هذه معلومه جديده أنا ماعرفته الا من خلال المسابقه وشفت له عدة محاورات . شاعر شاعر شاعر يثمن لخصمه وسريع بديهه ومحترم والجلاوي عرفته في نفود السر .أيام المزاين وتحاورت معه وصار بيني وبينه محراف جيد . والله ماأكرهه الأجودي وادري إنه يشوف ماكتبت وادري إني بقابله في ملعبه إن كنا من الأحياء ياخوي . أنا مااعرف أجامل لو إنه جالس معي |
اتوقع اننا الى الان لاندرك ولانعي
ثقافة الحوار .. ولانستطيع قيادة الحوار الى بر الامان كما بدأ اصبح الموضوع فرد عضلات المخ عن طريق اللسان والتلفظ بالغث والسمين !! اطرح راي واقبل رأي ويادار مادخلك شر وانتهت المشكله !! الشخصنه هي ثقافة مجتمع ونحن نسير خلف تلك الظاهره .. بدون تثقيف .. لان الرد الالي هو الدافع احلموا ياقوم !!! وتذكروا ان الاختلاف لايفسد للود قضيه !!!! |
ياكثر ماتتعجب يارحيم كلك عجايب
|
سبحان الله ابو طبيع مايترك طباعه
على طول يغيرون الموضوع عن مساره يبقى ابو صاهد على ماهو عليه ونجوميته من زود في زود يمكن البعض يغار لانه البارز الان الله يطول في عمر مستور العصيمي على الصحة والسلامه الدائمه وهدوء ياربعي عتيبه لا تخلون الاجنبي يضحك علينا < فاهمين وش اقصد انا ناقل موضوع والبعض يحسب اني انا كاتب الموضوع هذا ناصر النفيعي اللي عنده اعتراض يكلمه موب مفلين فيني وصراحة في بعض الناس يغلط لكن مسموح يمكن مانتبه وطاش وقت طرحت الموضوع |
اقتباس:
تقص عليها .. .. مستحيل عتيبي يقول هالكلمه :) ذكرتني بأهل الكويت :rolleyes: |
| الساعة الآن »09:33 AM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2025, Jelsoft Enterprises Ltd