حيّا الله الشاعر اللّي ذكّر الحضّار بالعيد=اسمه مسمّى على عيد الضحيّه ورمضاني!!
شفناه يومي بحبله فوق راهيت المورايد=لكن حبله قصير..ولا لقيله حبل ثاني!!

بقيت يا الشاعر اللي ما توخر فالمواعيد=الاسم عيضة و لا ندري فرس و لا حصاني
يا عيضه اصحيبك اللي تعرفه ما يعكس السيد=هات المعاني و خذ في سدها جزل المعاني

لا بالله ألاّ حصان وقص دربك زين ياعيد=ساهر تراه يتنقل من مكان اليا مكاني!!
واليا لزمك المرور وقال الّك: جنّب على حيد=قول العرب نصّها ماتربط حزام الاماني!!

كانك حصانٍ صحيح و للوازم تقطع البيد=أما اتجه للجدي و الا انحر سهيل اليماني
قلبي دليلي و صاحي للحرامي يا بلاهيد=علم بها اللي على دربه غدت عشره ثماني

كانك ذياب ابن غانم وش تسوّي قدم أبو زيد=مع سيفه سيوفكم تصبح سواة الخيزراني!!
تحمد الله ليا منّك سلمت من العباريد=الموت لن وقّع العبرود من بين الأذاني!!

ما ني سوات الغشيم اللي براسه يضرب الحيد=لي قوةٍ ما يقاومها فلان و لا فلاني
مانيب صيده مثل بعض العرب لمدور الصيد=الظاهر أنك رهينه في يدينه من زماني