المشاركة الأصلية كتبت بواسطة الاصمعي (المشاركة 1107820) أحببت أن ارحب بالشاعر الكبير / كديميس السيحاني فأهلا وسهلا بك ونشكر ابو مرحبا على الاستضافه - من هم أهرام الشعر في نظرك؟ -هل سبق ان تم دعوتك لامسيه او حفل محاورة؟ -يقول أحد الشعراء ، انا واضح و مباشر كطلقة مسدس ، في ظل هذا التصور الادبي كيف ينظر كديميس السيحاني الشاعر الى الحداثة الشعرية هل هي فعلا كسر من أجل البناء ؟ -مارايك بالاستنساخ الشعري ان صحت العبارة بمعنى اوضح تشابه قصائد الشعراء أما في النبطي او الفصحى دون ان ننكر حق التمييز عند الكثير منهم هل الاسباب يعود الى النص او العامل البيئي والتراثي ؟ -نصيحه تقدمها لشعراء المبتدئين هذه الايام؟

- من هم أهرام الشعر في نظرك؟

-هل سبق ان تم دعوتك لامسيه او حفل محاورة؟

-يقول أحد الشعراء ، انا واضح و مباشر كطلقة مسدس ، في ظل هذا التصور الادبي كيف ينظر كديميس السيحاني الشاعر الى الحداثة الشعرية هل هي فعلا كسر من أجل البناء ؟

-مارايك بالاستنساخ الشعري ان صحت العبارة بمعنى اوضح تشابه قصائد الشعراء أما في النبطي او الفصحى دون ان ننكر حق التمييز عند الكثير منهم هل الاسباب يعود الى النص او العامل البيئي والتراثي ؟

-نصيحه تقدمها لشعراء المبتدئين هذه الايام؟

المشاركة الأصلية كتبت بواسطة ابو شوق الازوري (المشاركة 1109000) أهلا وسهلا بالشاعر الكبير /كديميس السيحاني فحيأه الله في منتداه والشكر كل الشكر لأبو مرحبا س/لماذا تبتعد عن الساحه الشعريه وماهي الاسباب ؟

س/لماذا تبتعد عن الساحه الشعريه وماهي الاسباب ؟

المشاركة الأصلية كتبت بواسطة مبارك مسفر الرقاص الحافي (المشاركة 1109820) أحببت أن ارحب بالشاعر الكبير / كديميس السيحاني فأهلا وسهلا بك

المشاركة الأصلية كتبت بواسطة بندر المرشدي (المشاركة 1109868) مرحبا تراحيب المطر ياكديميس الله يحييك في محلك وبين ربعك الأخوان ماقصروا سبقونا بالأسئلة

المشاركة الأصلية كتبت بواسطة أبوصنيتان (المشاركة 1109946) لاهنت أخونا و شاعرنا الكبير كديميس السيحاني أخوي الكبير , هل انت من سكان شقراء ؟ هل لديك من القصيد لقبيلة عتيبة ؟ اتمنى ذكره . لاهنت اخوي الكبير و اعذرنا ان كان ثقلنا عليك الاسئله . أخوك : علي بن اعديس البراق الروقي العتيبي .

أخوي الكبير , هل انت من سكان شقراء ؟

هل لديك من القصيد لقبيلة عتيبة ؟ اتمنى ذكره .

رفع بلال الصوت و أطرّب للأسمـاع=ومصلي الفرض انتهـى مـن قيامـه
و وردت هواجيسي على فكري اتبـاع=والحلم علم يسـوق معـه الجهامـه
لين إن نور الشمس بيّن لـه إشعـاع=في خايـعٍ يزهـى العقـال العمامـه
وازهر خضار العشب واستبشر القـاع=بمواصلة وبـل الحيـا مـن غمامـه
و هب النسيم و فاح هيـلٍ و نعنـاع=يوم ءعرضت لي من زهتها اللثامـه
ثم طوحت بالشال مـا حولهـا قنـاع=قلت استحي و الـرد منهـا إبتسامـه
قالت عفيفة لا تقـول الحيـا ضـاع=و ابي بتوصيفـك لـي تحـط شامـه
و الدلـة الرسـلان مثعابهـا فــاع=لونـه خضـابٍ فـي يديهـا علامـه
مني على الهيـلا و أكـرر بالإجمـاع=سـلام مثـل النـور يجلـي ظلامـه
و كل القبايل و النعـم حـق ينـذاع=من يبهـت الأجـواد يلقـا الملامـه
لكن عتيبـه عزوتـي تفـرق ابـواع=يزهى الفخر يوم اعتلوا لـه سنامـه
العزوة اللي في اللقاء ذكرهـم شـاع=عزوة فخر ما هيـب عـزوة ندامـه
يشهد لهم نجد المسمى بـا لاخضـاع=دارٍ محيـم عتيـبـه اروت حيـامـه
يوم القبايـل بيـن غـازي و فـزاع=نِرجِح موازيـن الوغـى و احتدامـه
فيه المزاين مـاش شـاري و بيـاع=و العمر ما يحسب لعجـل انصرامـه
ورث الجـدود مزبنـة كـل مرتـاع=كعّامـة العايـل بـشـدّه و قـامـة
أوسومهن تكفي لهنّ الصعـب طـاع=وسم اطرف عتيبـي مثابـة حسامـه
يرهب و يثني عزم من طال لـه بـاع=ويرجع خليّ ايدين مـا ادرك مرامـه
ومن جاء يبهن غصب نشبع به جياع=و من فكه الله مـا طمـع بالسلامـة
ما قلتـه منافـق و لا نيـب طمـاع=و امدح صغير القـوم قبـل الزعامـة
وليا مدحت شيوخ ما فيهـم أرعـاع=أجبال فـي المرسـى و للعـز هامـه
و اليوم سلم و دار في عز الأوضـاع=حكم السعود و شـرع ربـي نظامـه
و للخيـر صنّاعـه و للشـر صنّـاع=ولا كـل زارع زرع يضمـن صرامـه
ومن يعدل الميزان بالمـد و الصـاع=المـال مـا يخلـط حلالـه حرامـه
عاقل بشر ما كل أمر معـه ينصـاع=و تستوعب المقصد عقـول الفهامـه
ولا كل مركب في البحر سار بشـراع=ولا كل ضيف مسابـقٍ لـه عرامـه
وما كل جيل لسابق اجيـال مطـواع=الا بشرع(ن) بيـن ركـن و مقامـه
ولا كل(ن)أمشي له شبر لو مشى ذراع=و من لا سعى بالحـق قـل احترامـه

والقصيدة الثانية معارضة لقصيدة
الشيخ الشاعر مبارك الخليفه

الشيخ هيضني ببـدع لحونـه=وهيضني الموضوع ابو جنيـه
يازين بـدع مبـارك الخليفـه=والوان لوحة حرفـه الورديـة
الشيخ ضد الظلم لـه وقفاتـه=وقفاته اللـي ماتجـي مخفيـة
وقف وقوف الشاعر المتمكـن=وسجل هدف من ضربةٍ ركنيـة
في شاعر المليون غنا هجينـي=وغنيت معه العرضـه النجديـة
اعصار سونامي عليـه يسلـم=ويطمنه مـا طـارت القحفيـه
نثني على الشعار في موقفهـم=شرف تنافسهـم ونـاره حيـه
ياحيّهم ما اخصص احدٍ منهـم=يشهد علي الله بصـدق النيـه
لكن عيوب اللجنـة المكشوفـه=ميزانهم مايـل ولا بـه زيـه
وين النزاهه والعدل يا وينـه؟=والكـل منهـم مستمـر بغيـة
مافيـه شاعـر مانخـا حيّانـه=ينخى القبيله مانخـا القوميـه
وليا نخا يوسف جموع الهيـلا=نخا الحرار ولا نخـا العبريـه
يقوم ورع القوم قبـل اكبرهـم=ثـم اعتـزا متحيـزم بجنبيـه
حنا خوال المصطفى به نفخـر=شهـد لنـا وشهادتـه برحيـه
لن يجبنوا قط الهـوازن قولـه=ومانيب مكلوف بجـدال العيـه
وحنا عتيبـه ملحقيـن التالـي=يوم اللقا نارد علـى المركيـه
وحنا عتيبه من قديـم وتـوّك=ميقافنا يعـرف نهـار الهيـه
وحنا عتيبـه كاعميـن العيّـل=واهل الكرم والطيـب والبريّـه
وحنا عتيبه وان عطينا البيعـه=نعطي ولا نلتـف مثـل الحيـه
وحنا عتيبه والعهد بـه نافـي=يوم الولد ينسى جميل اوخيـه
وحنا عتيبـه مانغـدر الجـاره=وخوينا عن حرنـا فـي الفيّـه
وحنا عتيبه روسنـا مرفوعـة=ولا احد(ن) يحب النظرة الدونية
وحنا عتيبه في العلن توحيهـا=الكلمة اللـي فالسمـا علويـه
ماعذرب الرجال مـدح اللابـة=وكـل القبايـل شعلـةٍ ناريـه