العووني=
يالعصيمي ماتطول ولاتقول الراس طايل=كل ليل محلقينه صفر بامواس الحلاقـه
لاغريب تفشل العتبان فعيـون القبايـل=خيرة الله ياسعود اقطع مع الشعر العلاقه
سعوود العصيمي =
العصيمي فاضخ قلبـك فضـخ عـز القوايـل=كيف تزهمني وانـا خابـرك رجـالٍ علاقـه.
لاتسولف بالسوالف وانـت ماعنـدك دلايـل=كيف تدحم لك جمل بالجنب الاجرب وانت ناقه.
العووني=
العلاقة جدك اللي جايبينـه مـن محايـل=ولا رفاه من الخمال اسم العتيبي فالبطاقـه
بندر بن سرور جاب العلم في ضرب المثايل=المصايب في زهاب البيت لو نكشف رواقه
سعوود العصيمي =
النجاسة والضعافـة والنذالـة والهزايـل=قسمك وقسم الخسيس ابو سواليفٍ دقاقه.
بندر بن سرور سماك الكديش مع الاصايل=مار طبع مطير هذا ماتخلي الاصطفاقـة.
العووني=
ماتفكك من مخاليب الاسد بعـض المحايـل=وش عليه لو تضيق ولو تغلطـك الحماقـه
قال فالروقة وبرقا .. وانت تعرف ويش قايل=الله اكبر ياوجيه تعشق العوجـاء عشاقـه
سعوود العصيمي =
عن قضية ربعك الاثنين وش عندك وسايل=من مطير اثنين عبر البث سووها خناقـه
بين روق وبين برقا الشك يالمطران زايل = استرح ياحاشيٍ تدحم جمل مافيـك طاقـه.
العووني=
ياضعف حجتك .. (يالمسبوه) .. مذموم الفعايل=لانت فاتل حبل عرف ولانته بمطلـق وثاقـه
بينهـم قـدح الزنـود اللـي يشبـن الفتايـل=وعمك كديميس سبـة نارهـا بيـن الرفاقـه
سعوود العصيمي =
الضعافة طبعكم وقلوبكـم ماتـت غلايـل=وانت لافاتل ولاناقض يابو يمنـآ معاقـه
تذكر كديميس يوم اروى بكم حد السلايـل=حجة العوني على راسه وكسر بعظم ساقه.
العووني=
اخر الهجرة تسب مطير وافيـن الخصايـل=وانت ثوبك هدو قوم وخاتم يدينك سراقـه
كل طيبه في قبيلة روق وامسى الحمل مايل=واختلفتوا ياعتيبه فالحمـول وفالوساقـه
سعوود العصيمي =
مانسب مطير فعلوم التغطرس والظلايـل=وش يقول ابك العشيره في كتابه ياللفاقه.
خابره لاطام عايل واعرفه ذبـاح حايـل=وانت قلبك منه يالعوني غدا مثل الحراقه.
العووني=
لاتردد فالعلـوم وغيرهـا دور بدايـل=قبل لاتفتح على نفسك بتال الليل طاقـه
انت لو انك تدقق في مضامين الرسايـل=تدرك انك خبل قوم حار ساقه في مساقه
سعوود العصيمي =
مامعك فينا كلام ولانت يالعوني بصايل = في نحور العزوة اللي ذقت مرّتها ذواقه
والله إنّا مانحب الذم لعيال الحمايل = مار اشوفك تعشق الزله وتشفقها شفاقه
العووني=
الكلام اللي معي يعمـل بحسبتكـم عمايـل=وانت في داخل نطاقه ماانت خارج عن نطاقه
لاتقوله وانت في صدرك من الاحقاد شايـل=المنافق ياوجيـه الخيـر مايتـرك نفاقـه
سعوود العصيمي =
مايفكك يالمطيري من سطر قاس البلايل = والله إليطلب فراقي قبل مانطلب فراقه.
مايضيق الصدر من قولك وفعلك يابن دايل = بعد لاح البرق فوقك والمطر شالك حقاقه.
