حبـّة خشم على خشمك : )

كان رجّال؟؟؟ انت كيف تبي تقتنع على العموم انا ابي اشرح لناس اللي تفهم


اما سلطان حامد و ابو فايح معروف تفكيرهم واعتقد لو جادلتهم واجد اخر حل معهم يبون يطلعون رشاشات الله يستر ... هذا الشرح لغيرهم ليس لهم مو شرط يوافقون يحتفظون برايهم لحفظ موية الوجه افضل لهم......


عمر الخالدي يقول

والله إنـّك كنت تعرفني من رجال وحموله(والله إنك كنت. يخاطب حبيب يقوله انت كنت ياحبيب تعرفني وليس يقصد نفسه رداً على بيت حبيب قبل هذا البيت )
مير فيك شوي ّ عوجه يا جريد الخيزراني(مير فيك عوجه. يعني كأنك تجهلني و انت تعرفني زين)


رد ّ حبيـّب العازمي

أعرفك رجـّال ومن رجال وتعرف الرجوله (قال حبيب خابرك رجال وتعرف الخطا والصواب بقوله الرجوله. يعني تعرف علوم العرب)

مير من غزو اليمن وأنته عميل ٍ قلـّباني(عميل ٍ قلباني. يعني اشك فيك انك تغيرت)





هذا الشرح خاص لناس للي يعرفون مستوى سلطان البقمي فقط

كلام سليم ياسلطان وهذا ما أشرنا إليه في ردنا للموضوع

بارك الله فيك,,,

يا سلطان
هذا عيبك

شرحت وجهة نظرك أكثر من مرة ومصر إنها الصحيحة , وتريد مصادرة رأي الآخرين
وهذا غلط . لأنه نقاش وكل(ن) يبدي وجهة نظره .
لا بد من تقبل رأي الآخر
يمكن سلطان بن حامد لديه فكرة لم نستطع ان نفهمها أو لم يستطع
إيصالها لنا .
فما الفائدة من تكرار الفكرة التي أوافقك فيها ؟!! .

وما لك لوا ألا سلطان بن حامد و أبو فايح يفهمون ودايم وجهة نظري توافقهم
وتخالفك في أكثر من موضوع وهم أساتذة من خلال متابعتي لهم .

ابرق عيبي في الشرح ولا الكلام؟؟ اضنك تقصد الكلام ....طيب اترك الكلام

وبي منك شي واحد تقوله عن قناعتك بدون مجامله اسما. هل شرحي غلط .؟؟



هل توافقني ام توافق سلطان حامد ابيك تجاوب فقط بالحق لا تجامل اسماء

وتضيع حقوق الشعراء وتحريف كلامهم ومعناهم ...

المطلوب منك كلمة حق فقط توافق معي في شرح الكلمه والمعنى ولالا فقط لاغير؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

بارك الله فيك ورايك انا قبلته وعرفت الآن انك فهمت كل شي وشكرك على جرأتك في كلمة الحق

[ كنت تعرفني من رجال وحموله ] > > وش غير الأحوال ياساتر :) لكن حنا مازلنا نظن فيه الخير إلى الأن :)


فعلا التركيب ركيك ..... بغض النظر عن المعنى !!

لأن [ كنت ] < صيغة يستخدمها الجميع للدلالة على الماضي :cool:

و إستخدامها الدارج والمؤلوووف لدى الجميع < : [ ينفي استمرار الحدث للحاضر ] .


و هذا أمر بديهي .... مثل قولة : وين كنت يافلان ؟؟

فيجيبه : [ والله إنك كنت تعرف إني مسافر :) ]


الحدث مع [ كان .. وكنت ..الخ ] لايفيد الاستمراااااارية أبدا :)


إلا في مواطن بلاغية يدل عليها دليل معنوي وسياق لغوي مثل قوله تعالى :

[ وكان الله غفورا رحيما ]


.

.
عمر الخالدي وضع نفسه في مأزق بركاكة التركيب !!

طبعا هو من غير قصد ... وهذا مانشك فيه ..لكن خانه التعبير :)

بدلالة استدراكه بالشطر الثاني :

مير فيك شوي ّ عوجه يا جريد الخيزراني !!


[ كنت ... مير ]


لكن حتى ننصفه نوعا ما :) ولو إنها لاتشفع له كثيرا :)

استدرك على كلمة [ تعرفني ] وليس على كونه من [ رجال وحموله ]


.
.
.


الصحيح لاتعقيب على كلامك يابو حامد ... لكن حبينا نشارك ونبارك لك بيوم الجمعة الفضيل أنت ومن يقرأ :)

ياشباب نعيد ونقول سوف نتكلم بمنطق اللهجة العامية لا بمنطق اللغة العربية الشاعر الخالدي ابدع وليس في بيته خطأ وهو يقول والله انك وهنا يقصد حبيب فلو قصد نفسه لقال والله اني كنت ولكن أمعنوا النظر حينما قال والله انك كنت يعني حبيب ونتمنى من صاحب الموضوع أن يتقبل آراء الآخرين هو وغيره من الأعضاء المؤيدين بدون أن يفرضوا آرآءهم

البيت ركيك جدا ولكن يابوحامد الخطأ هذا يغتفر اذا كان كما قال الشاعر

والله إنـّك كنت تعرفني من رجال وحموله

اما اذا اردت ان تؤكد مفهومك فلابد ان يكون بهذا الصيغه ويستبدل كاف الخطاب

بياء المتخاطب وبهذه الصفه

والله إنـّي كنت رجل

مع اني ارى ان البيت فيه شويه دنفسه وضعافه

وسوء تركيب

لكن ابو فيصل ماضاع له شيء رد بعزة نفس