هذاك قسمك يوم انا قسمي من خيار القسوم=اعلومكم وصلت لو إنّ اوجيهكم مخفينها
الرقعه السودا على وجهك مضالك كمّ يوم ؟ =يا زينها زيناه لو إتشيلها يا زينها

غشيت بالفاطر سلام وكشب واسواق الجموم=والا كبار المدن تعرف ظهرها وبطينها
حيلة ضعيف الحيل لا زام البحر وازرى يعوم=الهقوة اللي فيه نهقاها يصير دوينها

عزالله انا ماجهلنا فالعوايد والسلوم =يو انت لو ننشدك عنها منت داري وينها
ياللي تلوم الناس وانت من العرب يلحقك لوم =اقول شمطان اللحى ربّي علاك يعينها

اللي يزفك فالوداع ويبتسم لك فالقدوم=ما برفع ايدينك مدام ان العرب مرخينها
اللوم ماهو صوبنا والجوخ ملبوس القروم=اللي رحايلهم من اخيار الهجن ناقينها

المشاركة الأصلية كتبت بواسطة العمــــــدة (المشاركة 937857) اللي يزفك فالوداع ويبتسم لك فالقدوم=ما برفع ايدينك مدام ان العرب مرخينها اللوم ماهو صوبنا والجوخ ملبوس القروم=اللي رحايلهم من اخيار الهجن ناقينها

خشمك طويل و هالحينه ضمن فنسان الخشوم=إترزّ خشمك ثم جاته ضربتي في حينها
فوقك علي فلاح قام إيشنّ غارات الهجوم=و انته سوات الحبحبه حمراء على سكينها

السيف ابو حدين يدعم ماقف الخشم العروم=ما تدحمه رخو العظام اللي شكت من لينها
يوم الزناتي عن خيله في رفيعات الحزوم=امسيت مثل الغنة اللي مختفي تنوينها