الهيـــــــــــــلا *** منتدى قبيلة عتيبة
صفحة 6 من 7 « الأولى 45 6 7
عرض 40 مشاركات من هذا الموضوع لكل صفحة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   شعر المحاورة (http://www.otaibah.net/m/forumdisplay.php?f=52)
-   -   واذا الموؤدة سئلت .. يالنشمي !!! (http://www.otaibah.net/m/showthread.php?t=92953)

سلطان الجـذع 25-Jun-2009 09:07 PM
...


ارحب ارحب ارحب ياطائر الاشجان ..

صح بدنك ولاهنت على تشريفك ... يالغالي

علي الثبيتي 25-Jun-2009 09:13 PM
ابن جوباح

طائر الاشجان

ارحبو ثم ارحبو
صحت ابدانكم

سلطان الجـذع 25-Jun-2009 09:18 PM
...

ياسلام ياسلام يالعود :)


انت يوم أنك تفكر فالطيور وفي هددها ..؟ = مايجيب الحر الاشقر من سماه الا الحمامه !!
والله أنك قبل شوف بروقها تسمع رعدها = بس مدري ليه صابك ريب في وبل الغمامه !!

بندر المرشدي 25-Jun-2009 09:22 PM
سلطان الجذع


النشمي





صحت السنتكم




طاروق مميز مميز




بيض الله وجيهكم



متابعين

سلطان الجـذع 25-Jun-2009 09:23 PM
...


أبو سلطان صح بدنك ووجهك أبيض ...

وابرك الساعات اللي تتواجد فيها معنى ..

علي الثبيتي 25-Jun-2009 09:39 PM
استلم الختام ياسلطان وصح لسانك
الحبال معقده ويحلها منهو عقدها= وانت تبشرلك بيوم اقشر مثل يوم الرغامه!!
المخائل فوق راسك ياجذع هلت بردها= وانت عين اتلد لدوحه وعينن للمنامه!!

سلطان الجـذع 25-Jun-2009 09:49 PM
...

صح لسانكـ .. يالعود .. وبيض الله وجهك ..

مافيك حيلة .. والى لقاء قادم ...

مرداس 25-Jun-2009 11:33 PM
شعراء من الوزن الثقيل
صحت الالسن والقلوب
منتم صاحين ياثنين مدري من وين تجيبون الكلام

متابع للفايده

علي الثبيتي 26-Jun-2009 10:59 AM
اقتباس:
المشاركة الأصلية كتبت بواسطة بندر المرشدي (المشاركة 875391)
سلطان الجذع


النشمي





صحت السنتكم




طاروق مميز مميز




بيض الله وجيهكم



متابعين
صح بدنك وجهك ابيض

معجب العتيبي 26-Jun-2009 11:16 AM
سلطان الجـذع

ياعلي متهوم في وأأد الصبية في مهدها = ياعذابك من عذاب النار في يوم القيامه !!
ماتبا بنت العجوز اللي رفع رأسك ولدها ..؟ = غرروا بك صابغين الثوب بعروق البشامه !!


النشمي

الصبيه سد سلطان الجذع تشر بيدها= والجذع سلطان من خبله يدرق بالعمامه!!
مانباها بعد راحت للعرب تكشف نهدها= علم اللي نصف قرن يراوده عرش الزعامه!!



سلطان الجـذع

احتفظ بالاولة واحسب حساب اللي بعدها = كل عدٍ يالثبيتي جمته تروي حيامه !!
والبلاء فالشجرة اللي فأسفل الوادي وحدها = عرقها من نجد يسبح في ثرى ساحل تهامه !!



النشمي

انت ودك بالنصر لكن جتك امر وادها= صرت ياسلطان مثل الطوق في حلق الحمامه!!
لاتسب الشجره اللي ظللها كاسي بلدها= ابتعد عنها بعيد ان كان ودك بالسلامه!!


سلطان الجـذع

انت شاهد لك شهادة حق ,,, ماغيرك شهدها = لاتصير اللي ليا طال المدى يخلف كلامه !!
ياولد ثابت رغد صدام مايغري رغدها = لو ابوها يدحم الفريس ويفك الجهامه !!


النشمي

كل كلمه قلتها ياصاحبي عندي رددها= الثبيتي لانو ينهيك طلقه من حزامه!!
انت مالك فالقضيه لجل احضرلك سندها=انت رجلي في طريقك لا شداد ولا مسامه!!


سلطان الجـذع

خلها حشمة ولد عمك جنازة في لحدها = لانحملك العتاب ولانحملك الملامه !!
عدها بعتادها ياصاحبي واحفظ عددها = وان غلبك الامر مشرافك على ريع الندامه !!



النشمي

فاقد الحاجه مايعطيها ولاعمره وجدها=كلمتك هاذي قديمه صارت ال شخصك علامه!!
الرجال اهل الوفاء تصدق وتافي في وعدها= لا تتوهنا بليلاً سرمدي دامس ظلامه!!



سلطان الجـذع

انت يوم أنك تفكر فالطيور وفي هددها ..؟ = مايجيب الحر الاشقر من سماه الا الحمامه !!
والله أنك قبل شوف بروقها تسمع رعدها = بس مدري ليه صابك ريب في وبل الغمامه !!


النشمي

الحبال معقده ويحلها منهو عقدها= وانت تبشرلك بيوم اقشر مثل يوم الرغامه!!
المخائل فوق راسك ياجذع هلت بردها= وانت عين اتلد لدوحه وعينن للمنامه!!


الساعة الآن »09:57 AM.
صفحة 6 من 7 « الأولى 45 6 7
عرض 40 مشاركات من هذا الموضوع لكل صفحة

 Arabization iraq chooses life
Powered by vBulletin® Version 3.8.2
.Copyright ©2000 - 2025, Jelsoft Enterprises Ltd