معجب العتيبي
سلام يا اصحابي اللي فوقكم عدة مشاريه= والمودماني طبيعي يزعل من المودماني
سعود غالي وكلن يدري اني كنت مغليه=لكنّ وش غير الدنيا ورا الصاحب نساني
سعود العصيمي
يامرحبا ياهلا وانته ومن مثلك نحييه = والعشر مابيني وبينك عشر ماهي ثماني
ماني بناسيه معجب صاحبي غالي ووصيه = لايقرب من الفرس والا يمس الها العناني
معجب العتيبي
الصاحب اللي يرحب ياعسى الرحمن يبقيه=واللي توخر شهر ياكيف يٌنشد عن ثواني
اللي يوصي ورا ماسج مثل الناس رجليه=واسمع وصاته ولو هي صعبةٍ في هالزماني
سعود العصيمي
ماجاني العلم عنكم ياصحيبي لين نوحيه = الاقبل اربع وعشرين ساعه يافلاني
لكن يبشر ابوسلطان نعني له وندعيه = لنكان طاب وتعهد شهر عن بنت الحصاني
معجب العتيبي
سعود لو طاح والله لفزع مع الدرب واجيه=ويصير فرحان لاجيته يقول فلان جاني
دعوتك لاجات وسط القلب يارجال ترضيه=والقلب مفتون ياسعود العصيمي بالغواني
سعود العصيمي
الآدمي مايرد اللي يجي من عند واليه = والعلم هذا تعين له زبون وشخص ثاني
تبا تزين العلوم وكل علم يصبح اوكيه = خل الغواني وصل وصوم في شهر رمضاني
معجب العتيبي
ابا انشد سعود عن علمٍ خطا سواه وش فيه=فالصيف يلبس ثلاث ثياب واصبح قلباني
ان كان به مقصدٍ في هالزمن ياسعود ترجيه=ابعد مداه وتمش مع الخليجي واليماني
سعود العصيمي
سعود درب الخطأ ماهوب يارجال ماشيه = والباسي الثوب الابيض واحدٍ مثل خواني
مقصودي ارضي ولي العرش والنوماس نشريه = هذا جوابي يامعجب بعد ماعلمك نصاني
معجب العتيبي
لاشفت واحد من اخوانك مشا مخطي تماشيه..؟=لاصار فكرك كذا..ياصاحبي تبطي تعاني
لاصرت تمشي على وضح النقا ياسعود ترضيه=والعلم لاصار بالمقلوب ماجاب الضماني
سعود العصيمي
انكان عندك دليلٍ مثبتٍ للعلم عطنيه = فكري دليلي وانا رجال ماحب الهواني
الحق ياصاحبي سلطان من يقدر يناحيه = لاتستمع لك كلامٍ ماتفق شأنه بشاني
معجب العتيبي
اكبر دليلٍ على العقال ماتقدر تخبيه=والناس بالعين شافت قبل تنطق باللساني
الحق ياصاحبي سلطان وش وداك طاريه.؟=الظاهر انه وصلك العلم يوم الوقت حاني
سعود العصيمي
اقسم بربٍ خلق خلقه على علمك وامشيه =والا يامعجب تريّح لااجلدك بالخيزراني
اعطيتك العلم مار اشوف كنك مانت باغيه =تجزا هل الخير بالسئيه وتبغا لك حساني
معجب العتيبي
اصحيبنا عارفٍ فالدين بس ابليس مغويه=الحلف للمتهم والشرع باين للعياني
الجلد للي يسوي ذنب وانت الذمب تحريه=لكن عسى الله يغفر ذنوبنا والعمر فاني
سعود العصيمي
المدعي لادعي من دون حجة وش تسميه =يامدعٍ تدعي مامعك فالدعوى بياني
كلٍ من الناس فوقه ذنب مار الله ينجيه =لكن بعض العرب ذنبه كبر خشم اذهلاني
معجب العتيبي
اللي يباله دليل يمر قوقل ثم يعطيه=قوقل يجيب الادله فالزمان وفالمكاني
وسعود صاحب ولانبغا نصايحنا تعريه=والا الحقيقه وضوح الشمس وسهيل اليماني
سعود العصيمي
مادام هذا دليلك يالعتيبي لاتطريه = حنا رياجيل مانقلط على غير السماني
سعود ماتقدرونه والذي مثلك يسريه = اثرك ياصا حبي معجب حليل ولاتداني
معجب العتيبي
هذا دليل العرب فالنت لاخابت مساعيه=كم ليلةٍ جيتله ياسعود تبغالك بياني
سعود ولا وولت في مكاتيبه معانيه=واصبح يغني على لحن النميري والشناني
