اخوي اعتيبي والهوا ضده

شاكر لك المرور .

وجزاك الله خيرا

اللهم يارب العرش العظيم
وياغفر الذنب العظيم
ويامشفي القلب السقيم
ان تثبتني انا واخوان واخواتي على صراطك المستقيم
يارب العلمين.................................امين..... الله يكثر امثالك يالطيبه كلها
ويحفظك لعين ترجيك....................تحياتي

اميــــــــــــــــــن يارب
ا
لله يسلمك ع المرور ويخليك لعين ترجيك .

ويكثر من امثالك الحريصين . ويجزيك عني خير

السلام عليكم ورحمة الله وبركاته

اليوم الخامس من ايام الطيبه كلها .... للطيبين ( سلوى المظلومين )

السلام عليكم ورحمة الله وبركاته

ارحبووووووو

ياحي الله الضيف

ياحي الله برقا وروق / وروق وبرقا ( علشان ماحد يزعل أنتم أهل محل ) وكل الناس الطيبه .

عسى الطيب فالكم وفالي .

	ياحي الله من دخل صفحتي وقراها ** قال شكرا ولا ديور وتعداها

اقلط ياولد وخذلك فنجال وعلوم جال .



ارحبووووووو

ياهلا ويامسهلا

ياولد صب القهوه وقرب القدوع لضيفنا حياه الله .

المحل محلك وحنا ضيفانك .

يالله حيه يالله حيه تحية المطر .

..................................سلوى المظلوم ..............................




اخواني وابنائي الاكارم هذه الكلمات بسيطه متواضعة لعلها تسلي المظلوم على بلواه وتخفف عليه والله يتقبل منى ومنكم صالح الاعمال .

كذلك لاننسا انها تعتبر تعليقا على ما قراءناه من مواضيع فيها التحمس سواء لإسم القبيلة او غيرها مناصرة للحق - ومنها موضوع ( منتدى وقح وموضوع الدم طفح ...يااااااااارجال ) .

وهي لكل مظلوم وعلى أي مستوى له هذع الرساله المتواضعة

الرسالة الأولى : لمن وقع عليه الظلم :-

1- أحمد الله أخي أنك مظلوم ولست ظالم ( يعني مايركبك حق لاعند الله ولا عند خلقه وهذه نعمه تستاهل الحمد . أليس كذلك ؟؟)
وكذلك أحمد الله أنها لم تكن المصيبة في دينك واسأل الله الثبات على الحق . وأعطي الدنيا حجمها الحقيقي الحقير وانها ما تستاهل من يزعل عليها واشغل نفسك فيما يرضي الله ومن كان همه اخرته كفاه الله هم دنياه اليس كذلك ياعتبان ؟؟؟ ( ردوا تراني اسمعكم بقلبي ) .

2- عند سماعك للخبر السيء أو قراءته أصبر صيرا جميل ولا تتعجل بالحكم حتى تتثبت من صحة الخبر و أنه يعني ما قاله وليس به جهل وما إلى ذلك .
قال الله تعالى : (ياأيها الّذين ءامنوا إن جاءكم فاسق بنبإ ٍفتبينوا أن تصيبوا قوما بجهالة فتصبحوا على ما فعلتم نادمين )
3- أكظم غيظك أذا كان الخصم أمامك:
( يعني لاتبين أنك زعلان ولا أن الموضوع هز فيك شعره حتى لو كان الموضوع كبير مثلا يمس العرض او النسب ) وهذه من الصفات الممدوحة في القراءن في قوله تعالى : ( والكاظمين الغيظ والعافين عن النَّاس والله يحب المحسنين ) فينبغي ان نجسدها ونطبقها في حياتنا لنسعد دنيا واخرة .


3- لا تتعجل بالرد . خلك عزيز نفس و حليم متأني ( مهوب تطير بالعجه - القاموس ياجماعه - ياكافي اركد ياولد - يعني بالعربي طووووووووول بالك )
ففي التأني السلامة وفي العجلة الندامة ومثل ماأنت عارف من خف للريح طارت به .

ولا ننس أن الحلم والأناة صفتان مدحهما رسولنا الكريم في أحد أصحابه .
وذكر عليه الصلاة والسلام أن الله يحبهما . فينبغي ان نجسدها ونطبقها في حياتنا لنسعد دنيا واخرة .


5- خلك قوي ثابت متماسك :
كن كالجبال الراسية التي لا تهزها الريح العواتي لا تغضب لا تغضب لاتغضب . وقد عرف رسولنا الكريم القوة بان الرجل القوي هو الذي يمسك نفسه عند الغضب وليس الذي تصارعه فيصرعك . فينبغي ان نجسدها ونطبقها في حياتنا لنسعد دنيا واخرة .

6- ارجع وإقراء الموضوع مررررررررات عديده وادرسه بعقلانيه بعيدا عن العواطف والمشاعر فلا مجال لها هنا .
(وبدون تعصب هل الحق لك ام عليك )

7- خذ مشورة من هم أكبر منك واعلم منك من أصحاب الاختصاص في الموضوع ( نزله في منتدانا وشف وش ينصحونك به مثلا ) واستخر ربك بالعمل اللي بتقوم به فلقد ورد عن الرسول أنه ما خاب من استشار ولا ندم من استخار .


- لاحظ كل هذا وانت ماقلت ولاكتبت رد –

مواجهة الخصم

- هنا نأتي لمواجهة الخصم نعم لكن كيف ؟ بكل هدوء اكتب موضوع يناقض ما كتبه في نفس المنتدى ولكن بشرط أن لا تمس احد بسؤ يعنى تظهر الحق للناس بدون تجريح للخصم .


مثال ( لما كتبوا عتيبه شرابة الدم ) اكتب موضوع باسم ( عتيبه شرابة الدم بالحق ) ثم اكتب عن مزايا عتيبه ومعاركها لنصرة دين الله ....الخ طبعا هذا بمساعدة الإخوان اللي في قسم غزوات ومعارك وأصحاب الخبرة في هذا المجال . ووضح فيه إن هذا ليس لقب لعتيبه واكتب ألقابها ومعانيها . واطلب من إخوانك المساندة في التأييد لك وأضافت ميزات أخرى لعتيبة .وبكذا تكون وضحت الحق وقمت بواجبك تجاه قبيلتك

وعلى المستوى الشخصي ( لوقالك احد احنا شنب وانتم ذنب ) ترد وتقول ( والله لان نكون ذنبا في الحق خيراااا الف مرة من ان نكون رأس في الباااااااااطل ) .


ولو قالك مثلا ( غبي ) قله هذي وجهت نظرك واحتفظ به لنفسك لان بعض الناس يشوف الطيبه والتسامح ضعف وغباء ارجع وأقول هذي وجهت نظر . وكل واحد يحتفظ بوجهة نظره لان مافيها فايدة ترجى ومفاسد هذا الكلام اكثر من مصالحه . فينبغي علينا ان نتقى الله في كل شيء وفي كل وقت وفي كل مانقول ونكتب ........ فلا يزال عليك من الله رقيب عتيد .... حفظه يكتبون كل صغيرة وكبيرة ...فلنتقي الله ولنعود اليه .


وقل للظالم الحمد لله حمدا كثيرا طيبا مباركا ليوم الدين
احسن خلقنا وخُلقنا وجعلنا من عباده الصالحين المسلمين الراشدين والحمد لله علمنا وفهمنا ومن كل خير رزقنا فأحمده حمد الشاكرين العابدين واسأل الله الثبات على الحق والنصر على الاعداء والحاسدين واسأله التأييد والسداد ليوم الدين . قولوا امين تكفون ياعيال العم الطيبين .

..........وقفه ........

	طبعا كلنا يذكر الحدث اللي هز العالم الاسلامي قاطبة ً وهو الأساة للرسول عيه الصلاة والسلام من قبل الكفرة جزآهم الله بما يستحقون . طبعا ردود الفعل مختلفة فيه من يدعي عليهم وفيه من يسبهم وفيه من قاطعهم وفيه من اهتم بالسيرة النبوية وصار همه ابراز مزايا الرسول وصفاته الحسنة ....الخ من ضمن النصائح الموصى بها من قبل المشايخ ان ما نسبهم فيسبوا ديننا ورسولنا وكانوا يامرووننا بان نبين سيرة الرسول عليه الصلاة والسلام ومحاسن أخلاقه وكذلك لو احد اعتداء عليك او على قبيلتك مالك اذا كنت مجادلا الا حل واحد وهو ان توضح مزاياها التاريخيه وبس وتمثل قبيلتك بما يليق . لانك بتعامك هذا يمكن تكسب الخصم ويرتدع عن ظلمك والله أمرنا ان ندفع بالتي هي احسن لعل الخصم المعادي يرتدع ويكون اخوا حميم أليس كذلك يعتبان ؟؟

[b]......... المواجهة في نفس المقال ........[/b]

- اذا كنت ولا بد سترد على الكاتب في نفس موضوعه عليك التالي اطلب منه يثبت مايقول بمراجع موثوق فيها ولاتنس ان من متطلبات الدعوة الحكمة والموعظة الحسنة .

علم الخصم كيف يكون الحوار راقيا مؤدبا وانك اتيت لتبين ان هذه النقطه التى كتبها فيك او في قبيلتك خطا وتكون متسلحا بالدلائل العلمية المستقاه من المصادر الشرعية ومن كتب يعتمد عليها فهو ان كان جاهل بما يكتب ندم واصلح ماافسد (قبل ماتطب في الرجال وهو جاهل بالشيء - وهو مايستاهل بس فاهم خطا- ) وقد قيل ( لا تحفر البير يكثرون رواده -القاموس يعيال عمي - ) - يعني حليت الموضوع بدون ماتكبر السالفة وتسبب بكثير من التصادم الغير نافع ومجدي بينك وبين الخصم المؤدي للعداوة والكراهية والحقد بين المسلمين وهذا الشي غير لائق . ولا يرضى الله .

وفي حالة انه كان يقصد مايقول وما اثأر الفتنة إلا مما يضمره لك في قلبه من حقد وكراهية وحسد وحقد وغل نسأل الله العافية والسلامة والنجاة من النار فانه مهما تقول وتعيد وتزيد لن يتوقف مهما ترد وتاخذ وتعطي معه .

( ومثل ما قلنا سابقا عن الحالات المستعصية التي لازم ينكتب عليها - احذر ابتعد ممنوع الاقتراب قابل للاشتعال – وهذا حله التطنيش )


ولن يقف عن ظلمه الا بسلطة اقوى منه تحل المشكله ( مثلا لو كان الظلم في النت قدم شكوى للاداره وهي بتصير في ذمتهم انهم لازم يوقفون الظلمه عند حدهم ولازم توقف الادارة قلمه عن الكتابه وتمسح جميع ما كتب والناس مازال فيها خير وفزعه ) .

وفيه حل اذا المشكلة كبيرة جدااااااا وطالة الدعوة تجلسهم شرع حنا في ديرة مسلمين ماحنا مع يهود - وهذه فيها صعوبة ويبي لها محاكم ومطالبات لكن اذا كنت تملك الدلائل والقرأن التى تدين الخصم فصوت الحق قوي والله يقويك وينصر كل مظلوم نصرا عزيزا . والمؤمن القوي خيرٌ واحب الى الله من المؤمن الضعيف وفي كلن خير .

ولا ننسى انه بمشاركتك الهادئة الهادفة المحاورة بمنطقية يكون وضحت لقاري المقال – سوى من كان معك من البداية او من كان ضدك او من سمع ولا يدري اين الحق والصدق - ان كلام الخصم الظالم له معارضين - والناس ترى مهوب اغبياء - , وشمس الحقيقة لايمكن ان تحجبها بمنخل .


ويمكن ينقلب السحر على الساحر وبدل ما ينزل سمعتك تحت في القاع والوحل والقذورات مرتع الشياطين وأتباعه يكون سبب هذي المشكلة ان تطلع سمعتك وذكرك فوق فوق فوق الغمام .


لان الناس بيبحثون ويتقصون عن الحقيقة وخصوصا في زمن النت والأكاذيب اللي ما تخلص ( ويأخي حسب طرحك ونقاشك لخصمك واعيد واقول بدون تجريح لاحد منهم ولازم تكون قد النقاش اوتستعين باحد مؤهل للرد والله الله ياعيال العم بالكلمة الطيبة فهي حتى لو ماأثرت في الظالم تبقى لك عند الله صدقة ترفعك في الجنة )

.........................ماذا بعد الظلم ..........................

- اجوك ثم ارجوك ثم ارجوك لا تكبر السالفه وتعطيها اكبر من حجمها ... بعد اللي سويته ماعليك الا تترك الظالم وظلمه وتمش في طريقك اللي ربي رسمه لك .

وارجع لقرائنك وابن بيتك بالجنة بذكر الله .

فتخيل معي لما تذكر الله ملائكتة يبنون بيتك بالجنه واذا وقفت توقفو عن البناء فقدم لنفسك وتزود فان خير الزاد التقوى ( والله ياخواني وابنائي لو انها بيوت الدنيا لنسوي المستحيل علشان تطلع احسن شيء .) .

وتأمل معي لماذا خلق الله الجنة و النـــــــــــــــــــــــــار ؟؟ لان فيه ناس كفوها مخلوقين علشان يدخلونها فاذا كنت ياظالم من اهل الجنة وارجوا ذلك فأن هذه الكلمات ستؤثر عليك وتتوب وتقلع عن ذنبك واذا لم تكن فياويلك مما امامك موت وعذاب قبر ومحشرن (ن) عسيروحساب عسير ونار الجحيم ( ومن منا يطيق عذاب الله ) .

بالنسبة لك يالمظلوم لا تتعب نفسك أخوي معهم وأتركهم لوجه الله .

هذه حكمة الله وارادته.

لكن يبقى شيء واحد انك تقول للظالم سواء تاب ام لم يتب انا ماقلت هذا الكلام الا مخافة عليك وقل له ان قلبك ابيض و نظيف يحب الخير للمسلمين .


وفي نهاية تحاورك معه لاتنس ان تقل له هذا مافي الجعبة والله المستعان ففعل بعدها مايمليه عليك ظميرك ولن ارجع اتكلم في الموضوع ثانية فان تبت فجزاك الله خير وان عدت فجزاك الله خيرا لانك ستمنحني جبالا من الحسنات التى يمكن انه بصبري على اذاك انل بها مرافقك الانبياء والصالحين ففعل ماشئت فلم يعد يهمني شيء مما تقول فكلا الامرين خيرا لي والله حسيبك والله وحده يكفيني شرك واذاك وهو سميع قريب مجيب دعوة الداعي اذا دعاه .