الا يالله تغفر لي ذنوبــــــي =تغفر لي ذنوبي والاثام
كان اني ما اتقفى الغافلين=ولا اسب الاجاويد الكرام
هجدنا النذير بهود ليــــــــل =وحنا هاجعين بالمنام
والشردان اشاروا بالرحيـــل =والظفران اشاروا بالمقام
واقمنا وبنينا الخيــــــــــام=وكل دونها لبس الحرام

ذولا نصالحهـم وذولا لنـا قـوم=واكوان يشبـع غبهـا كـل حايـم
حتى سكنا نجد من غيـر معلـوم=بصولات تلقى به صفا الجو عايم
يانجـد والله مانزلنـاك بسـلـوم=ولا انتي بورث جدودنـا بالقدايـم
لكن اخذنا فيـك حـق ومرسـوم=وصفى جنابك عقب نطل العمايـم
خذناك عقب مادارك العمر بالسوم=سوم يخسـر لابسـات اللثايـم

عاداتنا نرعى الخطر دايم الـدوم=يرعى دبشنا فيـه والحـظ قايـم
نرعى بربع كنهـم دولـة الـروم=مركاضهم بالضيق يجـلا اللوايـم

هزاع يبغا الباج منا=والباج عيانا عـلاه
من مات منا ماشحنا=والله مانبكي عـلاه

ياليت اخو هملا مع الحيين=عز الرفيق ويلطم العدوان
حتى نجيكم من هاك الحين=بنمرا نميلها على الدوشان

وهذال يومنه على الدوشان يدعابـه=مايندعيبه وبعـض النـاس تدعيبـه

وسمى المباحيص دربه يوم عشابـه=وخلا طعوس الزبار يساوي شعيبـه

وصبح زعيم العموم مطيـر ماهابـه=وحول بيته وخلـى مـن مواجيبـه
واخذوا ثياب البكارا الشقح باسبابـه=وهـذا جـزاه وماسـواه سويـبـه

واشتال بيت الدويش اللـي يحلابـه=لين دق في نجد اخو هملا مناسيبـه

ياليت اخو هملا مع الحييـن=عـز الرفيق ويلطم العدوان
حتى نجيكـم من هاك الحين=بنمرا نميَـلها على الدوشان

يوم سعود جانا بالدويــــش=جاب مطير مع صبيان يام
واهل سدير والسبعان معهم=والعجمان يقداهم حزام
والقصمان جونا من يميـــــن=يبون المباني والجهام
والدمام دقوه العبيـــــــــــد=ونور الشمس غاطيه الغمام
وشافونا وجونا سارحيـــن=والله مانوونا بالرحام
ولجن العذارى بالصيـــــاح=شافن الجموع الها ادحام
ورمن بالبخانق والهــــدوم=وينخن بالجدود وبالاسام
وردينا لدهمان السيوف =وسود الشلف كاسرة العظام

سعود جا من يمة الشرق فايــــــر=بصبيان يام مرجحة كل مــــــــــــــيزان
معهم هل العارض وسبع الجزاير=ومعهم بريه وغيرهم جمع دوشــــــان
وردوا لراي مذربين البصايـــــــر=وقلنا على الله مانبا غيره اعـــــــــوان
وسقنالهم جمع يشوق النضايــــر=وموحدين اللي ليا وحد اعـــــــــــــــــان
وبعد صلاة الصبح والعج ثـــــاير=لين اتقى راس النجج عقب مابــــــــــان
وخيل وسط خيل وخيل تخايــــــــر=وخيل مرزنها غنيم بن شبــــــــــــــــلان
كنه ليا اعرض في وجيه الجراير=يمنع هذولا عن هذولا بقرعـــــــــــــــان
وراحولنا مع قدرة الله نحايــــــــر=عقبان نجد اللي يقدون الاضعــــــــــــــان

جانا سعود مسير بجنوده = معه الدويش ولمة البداوي
ثمانية الاف عداد جموعهم = بلوى وربي يدفع البلاوي

يا ظفرهم لا قرب الله دارهم = وحنا عليهم مثل نجم هاوي
ذوي ثبيت اهل المناخ شيوخنا = اهل العطف والمنزل المتساوي

تعيني يالبيض في مركاضنا = وصلت كسايرهم الى الحجناوي
تزبنوا عنا قصور عنيزة = لين احتماهم بيرق القصماوي

وانا احمد الله يوم انا من لابة = ماهم بقطمان اليدين شواوي

حمر(ن)مغذاة(ن) بزاد البيـت=وأذبح لها الشتوي من الحيران
ليا لبسوهـا للطـراد وجيـت=بنطح عليها سربـة الدوشـان

وقفوه ابن شوفان خلـي بـلا راس=ومحسن عليه التـرف شقـق ثيابـه
وبندر كسير وجنب البوش الاجناس=وفي غرس ابن عولة يذكزر وزى به

فيصل بسيفه ضربته تشلـخ الـراس=تناوشـه فاجـر ومكـن صـوابـه

ومسلط على اليمنى حكم له جموعي =لباسة الجوخ الحمـر والدروعـي

يوم شفته قدم رجلي ثبت في محله= مثل من طاح مصيوبا برمح العطاوي