مرحبا ترحيبةٍ من رحمـة الله وبركاتـه=فالبدايه - والنهاية ذمتي منهـا بريـة!!
أخر الايام يمكن فرصـة الطيّـب وجاتـه=والدليل أن أكثر الرعيان مزري فالرعية!!

البقاء لله وحده والكرم مـن مكرماتـه=وانت مانبغا منك حتى ياسلطان التحيـة
ليت الك عزم قوي في حاجةً غير الشماتة=كان احطك فأيمني ونصادم جبال الحوية

مالك الا حد سيـفٍ ماتحـدد منجزاتـه=كل ليل يحد للشعار ويجي لـه ضحيـه!!
كنت مفتي في إبليس العود ومحلل ذكاته=مير لاموني عصيم وردوا الشرهه عليّه!!

خصمي الطيب لاجيته ينقلب سيفـة عصاتـه=وانت عن هرجتك ينطق في جسدك ألفين كيـه
يالبعيـر اللـي هديـرة دايمـاً يظهـر لهاتـه=من زمان العام وسط الشبك الك عندي هديه !!

انت لو تلحق علو الضلع ماتخلف ثباتـه=مير لاترفق بجنب طويق ياجنب المطية!!
آآفة التاريخ يامال الغنيمة مـن رواتـه=لايغرر بك سواد الكحل في عين الصبية!!

لو رقيت الضلع دربيناك دربايـة حصاتـة=مار فكك ربك اللي تطلبة صبـح وعشيـه
سجل التاريخ في هالساعة اشهادة وفاتـه=مات من غبنة على موت الشهاامة والحمية!!

ياولد عاصم يغيب الحق لاغابـوا قضاتـه=وانت لاتضحك مع الجهال من شر البلية!!
قابل المجنون بكرة واخذ من فوقه عباتـه=وارمها لصحيبك البردان من جند السرية!!

الزمن ماطلَع الا معجـزة مـن معجزاتـة=والامـور العايديـه ماتغير عايـديـه
المجنن كل واحـد قـام يكتـب ذكرياتـه=وانت لو كذبت واحد سوو العشره قضيه!!

ساعة من طرقة الماشي و وقفة والتفاتـه=لين يشرب ظامي الايام من حوض المنية!!
ليت أبو زيد الهلالي ماعطا العشرة بناتـه=وصارت علوم الرفاقة من يديك إليا يديه!!

موترك زيتـه وبنزينـه عليـه وكفراتـه=مار بتَل في طريقك لاتلد العين فيه
لا متى و المنزل المبـروك مـاه يـرد شاتـه=تاكل وتشرب ولا توكل وراعيها الضحيه