غالب الذيابي
سلامي على راشد عدد دورة الافلاك=سلامٍ من المكنـون مهديـه وابديتـه
انا فيه اظن الظن واصبح وقلبي شاك=ولا عدّ عنه العلم بالشين ما اوحيتـه
راشد العضياني
هلا مرحبابـك يالمسلـم وياحيـاك=من الشاعر اللي يحكم العلم في بيته
انا ماستمع بالهرج والي مثل شرواك=لياجـاب علـم البينـه ماتقفيـتـه
غالب الذيابي
ترى الواقع اللي كان لوفات ما يخفاك=تميته ضحى والليل يغريك واحييتـه
وانا والله اني لن خطفتك على علباك=تبا تعترف باللي قبل عـام سويتـه
راشد العضياني
تعوذ من اللي دهورك واعمسك واغواك=تـرى ماتحصـل كـل شـي تمنيتـه
وانا لو اشد اذنك واخنقك وألف ايـداك=تبي تعترف باللي ورى الضلع حطيتـه
غالب الذيابي
لاترفع طرف عينك على واحدٍ رباك=وردك على درب السنع يوم كبيتـه
اجي لك هنا وانته تروح وتجي مناك=عليك الله اقوى صاحبٍ ما توريتـه
راشد العضياني
رفعنا النظر وانته عيونك تحت مطـاك=وراسك بحـد المـوس ياكـم حكيتـه
تجينا مع الرس مع طريقه تحث اخطاك=غريبـه عليـك وخـط مكـه تعديتـه
غالب اليابي
يهب الله انـه يقبلـك ويعـدي بعـداك=تطيع الظنون القشر وابليـس خاويتـه
انا ادخل مع البيبان ما ادخل مع الشباك=ياكم واحـدٍ ينفـخ ذروبـه وسريتـه
راشد العضياني
لاتدعي عليه وانت ماجاك غير ادعاك=تعزوى بخو مـره وتتبـع عفاريتـه
ترى ماهي غريبه لوتحصلت من سراك=وقبلك ترى عفريت الاشعـار ذكيتـه
غالب الذيابي
اقف قدم عمك واطلع ايديك من مخباك=واخذ شرهة اللي لاوقف لك تعديتـه
تقدم لي الجوري واقدم لك المسـواك=طلب سهل لكن ما اهبلك كان رديتـه
راشد العضياني
اوقف واحط ايديك يمناك في يسـراك=وابا اكحل عيونك بالحكل يوم ذريتـه
ماقدم لك الا الملح حامض وذوق دواك=وطلبكم هذا تستاهلـه يـوم عديتـه
