المطيه راسها واديوسهـا فـي فـم ولدهـا = مار ياذيب الخـلا بعـواك لاتقنـب قنيبـي
ماعليه اللي ليامنـه بغـى الحاجـه وجدهـا = احسن من الشجره اللي لا صبوح ولا حليبـي

40 سنه يمكن مرت على هذه المحاوره واليوم بقدرة قادر

فارس العتبان يرى ان فيها بيتين شاطحه:) ياللعجب!!

يافارس العتبان البيت الاول يجي بمعنى ان ولدها ما خاشره فيها احد

سواء في صغره او كبره (ولاودي اتعمق في تفسيرها) لان مستور قال ياذيب لاتقنب

ماحاصل لك شي (فولدها له لبنها ولحمها) فهمت؟=

البيت الثاني المسعودي بنفسه ينفي ان الشجره ليس فيها لاصبوح ولاحليب

للنفي القاطع فلو قال احسن من الخلفه لوجدنا احتمالين(فيه او مافيه)
لكنه اتى بمستحيل فهمت والا اجيك؟! :)

نقطه/ من الابيات التي تحسب ضد قائلها قول مستور

سيوفنا ماهي سيوف ملمعه

وهذا الشطر ياتي على اتجاهين

الاول/ ليست سيوف وانما هي ملمعه

الثاني/ انها سيوف ليست ملمعه وهذا مايقصده مستور



دمتم بخير

ورقان

ليتك خليتها على مبنى الشايب

صار تجي على انها ماهي سيوف وانما ملمعه :)

المشاركة الأصلية كتبت بواسطة فارس العتبان (المشاركة 1070832) مشكرو على الموضوع الجميل مستور العصيمي المطيه راسها واديوسهـا فـي فـم ولدهـا = مار ياذيب الخـلا بعـواك لاتقنـب قنيبـي ( وشلون يجي راس المطيه في فم ولدها) عبدالله المسعودي ماعليه اللي ليامنـه بغـى الحاجـه وجدهـا = احسن من الشجره اللي لا صبوح ولا حليبـي (خابرين شجره فيها صبوح وحليب ؟ ) الي اعرفه في الربط مثلا الواحد يقول مثلا احسن من الموتر الي بدون عزم وبدي او مثلا احسن من الطير الي بدون ريش وجناح .. وهكذا اما احسن من الشجره الي لاصبوح ولا حليبي شاطحه

رد غريب من ابن ثايب على بيت سفر الدغيلبي بيت سفر يقولون شهران ابن ثايب خذا الكأس وحطـه تحـت يمنـاه مـدري وراهـا الرد الغريب اى والله خذيته والمباني لهـا سـاس يـوم أنـك تلمـس حاجـة ٍ ماتبـاهـا رد غريب الشطر الثاني وضح ان ابن ثايب فهم كلام الدغيلبي مع ذكر هالكلام