| معجب العتيبي |
06-Jun-2010 09:17 PM |
العازمي
المشرفين اليا تولّوهم كبيرين البخوت = اطيبهم اللي مايروّح لين كوعه يلحسه!!
كنّا نعزك يالانيق اللي تلبّست البشوت = واليوم ماينجيك منّا كل بشتٍ تلبسه!!
معجب العتيبي
المشرفين اللي يالولاهم تبا تهدم بيوت=ماضنتي تاقف مواقفهم وكفك مفلسه
تنضر بعينك .تبتسم. تطلب من اهل الطيب قوت=والظاهر انه علمك اللي في حياتك تدرسه
العازمي
ياعقل لو تازن بلد بين الفعول وبين صوت = ماشفتنا لاجر ذيب عواه قدمك نفرسه!!
ماشفت من واقع زمانك غير بيت العنكبوت = تلوي ذراعٍ ماتجازيها الوجيه المعبسه!!
معجب العتيبي
ماقلت فيكم غير زين القول لو طال السكوت=والعاقل اللي لاحصلّه رزق وافر يحرسه
الحوت في جوف البحر والا على البابور حوت=والحق بيّن وانت ودك ياعميلي تطمسه
العازمي
قدام تشويك الليال المقبله جوف الخبوت = اعرف مقامك تحت شمسٍ للخلايق مشمسه!!
ماحزتها بالسيف والردّات واحفاي السبوت = ظهرت للدنيا وتسبدك فالنعيم مقرطسه!!
معجب العتيبي
الاسم واحد فالبطايق والدفاتر والكروت=خذها نصيحه وانتبه قلبك بهمك تحمسه
من لاحفظ حقه ليامنه وعى جعله يموت=وانا ورثت الطيب من جدي وجدي مدرسه
العازمي
دم العتيبي يالعتيبي لاتدوّر فيه توت = ماسد جوعه تمر عيبه في خصفها مسْوسه!!
جدك من الدنيا رحل بالعز واكثار القنوت = مآخذ طبوع الحيه اللي من قربها تندسه!!
معجب العتيبي
لاتحسب انك لانشرت الزور في بعض البيوت=تلقى من العقال واحد يقبله لو تنكسه
يالعازمي لا لاتشوت الظلم يم الناس شوت=وتاريخك الماضي عقب شيبت ترجع تدنسه
العازمي
مافات مات وقصدنا تثبت على الماقف ثبوت = لايعجبك ساحر عمان اللي ذلوله مكنسه!!
مادام همك فالحياه الفانيه لعب البلوت = اليا لقيت البوسني وقّف على جنب وبسه!!
معجب العتيبي
انا على مبداي الاول غير نوتٍ ماش نوت=الحب الاول وسط قلبي ثابتن في مغرسه
هذيك في بالك ولاضني على بالي تفوت=وليا لقيت البوسني خلك بجنبه والمسه
|
