صح بدنك يابن صنهوت وجودك أضفى على الطاروق طعم خاص

شكراً من القلب .... لك كل تقديري وحترامي

[quote=محمد غازي النخيش;916702]الله الله



ابن دحيم وابن ناشي



ابداع غير مستغرب من الطرفين




الله لايهينكم وصح السنتكم ملايين[/quote


هلا يابوغااازي صح بدنك

وشكراً على مرورك الكريم

تحياتي وتقديري

سلطان بن دحيم =

طلال ناشي نشوفه صاير(ن) فيلسوف = يبى يوجه حكيم(ن) فاهم(ن) وجهته
لو ان عندك معرفه كان صرت معروف = ايعذرب الكيف رجل(ن) ما عرف نكهته

طلال ناشي=

الظلم والكذب دايم حيلةٍ للظعوف = اللي مجرب علومه كيف تاتبهته
ترى اللقافه توردك الخطا والحسوف = كم واحدٍ ساقته فالدرب لين أنهته

سلطان بن دحيم =

اركد شويه ولاتحكم عليك الظروف = سلطان يشره واظنك كفو(ن) ال شرهته
تعدل بيوت شاعر وانت ضمن الصفوف = واللي تلقف ترا من حقنا سفهته

طلال ناشي=

لاصرت شاعر ونلقى معك بعض الحروف = شرهتك تاصل وترجع عقب جات أنهته
أعدل الروس ياسلطان وأنته تشوف = أخذ الكلام المحكحك يالرويس وهته

سلطان بن دحيم =

شاعر والحس خصيمي حد حدب السيوف = واللي يبي التلهيه حصل عرب والهته
ليتك تميز وتترك عنك هز الكتوف = من يصدم الضلع لازم تنكسر جبهته

طلال ناشي=

تفرجوا يالجلوس وصفقو يالوقوف = سلطان جته الحقيقه وخلفت وجهته
هو ما درى أن التعب أحيان ماهو مَخلوف= هوجس وشاف الطروق ملايمه وشهته

سلطان بن دحيم =

معصار صيف(ن) يهب ولا على الضلع خوف = طلال عندي تساوا حبه وكرهته
من الجبل للثرا حولت تقل محذوف = شواك لاهوب صيف(ن) تحرقك لفهته

طلال ناشي=

لا والله ألا أنت غالي ياعديم الوصوف=لون غارك وصوفه لونصـب مزهتـه
أثر عميلي يلوفه مـن لياليـه لـوف=يباني أسهى بكلمة زور مار أسهتـه

سلطان بن دحيم =

انا نويت اعلن عن الهزل واهله عزوف = اللي كذا ياخساره يا عرب ندهته
في ذمتي يا طلال صويحيبي ما تطوف = دلوي رهاوي ويمناي الطويل ارهته

طلال ناشي=

مسرعك يابودحيم أعلنت معنا النكفوف = يعني عشان الحقيقه دايمٍ مبهته
مادامها ماتطوف ولا على القلب خوف = دلوك ورى عد مروين الظما منهته

المشاركة الأصلية كتبت بواسطة محمد غازي النخيش (المشاركة 916702) الله الله ابن دحيم وابن ناشي ابداع غير مستغرب من الطرفين الله لايهينكم وصح السنتكم ملايين

المشاركة الأصلية كتبت بواسطة سميران (المشاركة 916708) . الغالي .. سلطان بن دحيم لله درك .. من رجل وشاعر تشكر يالغالي .. على الدروس المجانيه بالشعر .. وغيره .!! لاهنت لاهنت ؛

المشاركة الأصلية كتبت بواسطة محمد شبيب السبيعي (المشاركة 916868) صحت الالسن والقلووووووووووووووب